कु निकिता वेताळ, कु श्रेया चव्हाण, कु अनुष्का केंजळे, कु तेजस्विनी कर्वे व कु वेदिका वाघमोरे या चारही खेळाडू फलटण एज्युकेशन सोसायटी च्या मुधोजी हायस्कूल व ज्युनियर कॉलेज च्या विद्यार्थीनी आहेत
डावीकडून कु निकिता वेताळ कु. श्रेया चव्हाण कु अनुष्का केंजळे व कु . वेदिक वाघमोरे
फलटण टुडे वृत्तसेवा ( फलटण दि ०५ जुलै २०२५)/- हॉकी इंडिया अंतर्गत हॉकी महाराष्ट्र पुणे यांच्या वतीने रांची येथे दी. ७ ते१५ जुलै या कालावधीमध्ये हॉकी इंडिया अंतर्गत आयोजित करण्यात येणाऱ्या राष्ट्रीय स्पर्धांसाठी हॉकी महाराष्ट्राच्या वतीने स्पर्धापूर्व प्रशिक्षण शिबिराचे आयोजित करण्यात आले होते.
या स्पर्धेपूर्व प्रशिक्षण शिबिरासाठी दि हॉकी सातारा संघटनेच्याव फलटण एज्युकेशन सोसायटी च्या मुधोजी हायस्कूल व ज्युनियर कॉलेज फलटण च्या पाच महिला खेळाडू कु निकिता वेताळ, कु श्रेया चव्हाण, कु अनुष्का केंजळे, कु तेजस्विनी कर्वे व कु वेदिका वाघमोरे यांची निवड झाली होती.
सराव शिबिराच्या शेवटच्या दिवशी महाराष्ट्राच्या महिलांसंघाची अंतिम निवड करण्यात आली. त्यामध्ये दी हॉकी साताराच्या चार महिला खेळाडूंनी उत्कृष्ट खेळ करत आपले स्थान मिळवले.त्यामध्ये कु निकिता वेताळ कु श्रेया चव्हाण कु अनुष्का केंजळे यांनी सलग तीन वर्ष महाराष्ट्राच्या संघामध्ये स्थान मिळून सातारा जिल्ह्याला बहुमान मिळवून दिला तर महाराष्ट्राच्या १४ वर्षाखालील शालेय राष्ट्रीय हॉकी स्पर्धेमध्ये सलग दोन वर्ष कर्णधार पद भूषवणारी कु वेदिका वाघमोडे हीने पहिल्यांदाच संघटनेच्या सब ज्युनिअर महिला हॉकी संघामध्ये आपले स्थान कायम केले.महाराष्ट्राच्या संघामध्ये वयाने सर्वात लहान खेळाडू म्हणून तिने मान मिळवला आहे.
सातारा जिल्ह्यातील क्रीडा क्षेत्रामध्ये आणखी एक मानचा तुरा रोवला गेला आहे.
या सर्व खेळाडूंना दि हॉकी सातारा संघटनेचे सचिव तथा महाराष्ट्राच्या संघाचे ज्येष्ठ हॉकी प्रशिक्षक श्री महेश खुटाळे सर व हॉकी प्रशिक्षक श्री सचिन धुमाळ सर प्रशिक्षण देत आहेत.
तसेच प्रशिक्षणामध्ये सहाय्यक म्हणून श्री बीबी खुरंगे सर, सहाय्य करत आहेत.
ही सर्व निवड प्रक्रिया हॉकी महाराष्ट्राचे अध्यक्ष मा. श्री कृष्ण प्रकाश सर (आयपीएस) वरिष्ठ उपाध्यक्ष मा श्री मनोज भोरे सर उपाध्यक्ष ओलंपियन मा धनंजय महाडिक सर यांच्या मार्गदर्शनात खाली घेण्यात आली. त्यांनी निवड झालेल्या सर्व खेळाडूंचे अभिनंदन केले.
तसेच त्यांनी मार्गदर्शन करताना प्रशिक्षक व खेळाडूंना सांगितले की सातारा जिल्ह्यामध्ये फलटण सारख्या ठिकाणी जर एवढे चांगले खेळाडू तयार होत असतील तर तेथे “एस्ट्रोटर्फ” मैदान होणे अत्यंत गरजेचे आहे.
सर्व प्रशिक्षक व खेळाडूंचे विधान परिषदेचे मा.सभापती श्रीमंत रामराजे नाईक निंबाळकर महाराजसाहेब, कृषी उत्पन्न बाजार समितीचे चेअरमन मा.श्रीमंत रघुनाथराजे नाईक निंबाळकरसाहेब ,महाराष्ट्र खो-खो असोसिएशनचे अध्यक्ष मा.श्रीमंत संजीवराजे नाईक निंबाळकरसाहेब, फलटण एज्युकेशन सोसायटीच्या क्रीडा समिती चेअरमन श्री शिवाजीराव घोरपडे सर, मुधोजी हायस्कूलचे प्राचार्य श्री वसंतराव शेडगे सर व दि हॉकी सातारा संघटनेचे अध्यक्ष श्री बाहुबली शहा, व इतर पदाधिकारी श्री पंकज पवार ,श्री प्रवीण गाडे, श्री विजय मोहिते,श्री महेंद्र जाधव ,श्री सचिन लाळगे व माजी राष्ट्रीय खेळाडू श्री सुजीत निंबाळकर यांनी अभिनंदन केले.