कु. वेदिनी साबळे.
फलटण टुडे वृत्तसेवा (फलटण दि. २५ सप्टेंबर २०२५) : –
आसू ता. फलटण येथील शेतकरी कुटुंबातील कु. वेदिनी अमोल साबळे यांची डेगेनडोर्फ इन्स्टिट्यूट ऑफ टेक्नॉलॉजी, डेगेनडोर्फ बव्हेरिया जर्मनी येथे एम. एस. या २ वर्षाच्या उच्च शिक्षणासाठी निवड झाली असून या निवडीबद्दल कु. वेदिनी साबळे यांचे विविध स्तरावरुन अभिनंदन होत आहे.
कु. वेदिनी साबळे ही फलटण एज्युकेशन सोसायटी संचलित श्रीमंत शिवाजीराजे इंग्लिश मिडियम स्कूल, फलटणची विद्यार्थिनी असून तिने कृष्णा मेडिकल कॉलेज कराड येथून बी. फार्मसी आणि भारती विद्यापीठ मुंबई येथून एम.बी.ए. फायनान्स शिक्षण पूर्ण केले आहे.
कु. वेदिनी साबळे ही मिलाग्रो क्लिनिकल रिसर्च, मुंबईच्या संचालिका डॉ. अंजली अमोल साबळे यांची सुकन्या आणि नीरा उजवा कालवा विभागातील निवृत्त कालवा निरीक्षक बाबासाहेब साबळे, आसू यांची नात आहे.
फलटण एज्युकेशन सोसायटीचे अध्यक्ष आ. श्रीमंत रामराजे नाईक निंबाळकर, सोसायटी नियामक मंडळाचे चेअरमन श्रीमंत रघुनाथराजे नाईक निंबाळकर सोसायटीचे सेक्रेटरी श्रीमंत संजीवराजे नाईक निंबाळकर, गोविंद च्या संचालिका श्रीमंत सौ. शिवांजलीराजे नाईक निंबाळकर, श्रीराम कारखान्याचे संचालक स्वामीनाथ साबळे यांच्यासह अनेकांनी कु. वेदिनी साबळे हिचे अभिनंदन करुन पुढील वाटचालीसाठी शुभेच्छा दिल्या आहेत.