फलटण टुडे वृत्तसेवा ( फलटण दि ३० डिसेंबर २०२५):-फलटण एज्युकेशन सोसायटी संचलित श्रीमंत शिवाजीराजे उद्यानविद्या महाविद्यालय व कृषी महाविद्यालय, फलटण आयोजित श्रीमंत मालोजीराजे कृषी प्रदर्शन 2025 च्या पाचव्या दिवशी अखेर पर्यंत कृषी प्रदर्शनातील सर्व निविष्ठा कंपन्यांना फलटण व परिसरातील शेतकरी, युवक, महिला बचत गट, महिला शेतकरी विक्रमी प्रतिसाद मिळाला. जिल्हा परिषद सातारचे माजी अध्यक्ष तथा फलटण एज्युकेशन सोसायटीचे सेक्रेटरी श्रीमंत संजीवराजे नाईक निंबाळकर, महात्मा फुले कृषी विद्यापीठ राहुरीचे प्रतिनिधी, मे. गव्हर्निंग कौन्सिल सदस्य, प्रशासन अधिकारी यांच्या उपस्थित कृषी प्रदर्शनाचा समारोप पार पडला. पाचव्या दिवशी अखेर पर्यंत फलटण व परिसरातील एक लाख सत्तावन हजार (157000) शेतकऱ्यांनी कृषी प्रदर्शनाला भेट देऊन विक्रमी प्रतिसाद दिला. कृषि प्रदर्शनाच्या कालावधीमध्ये फलटण परिसरातील शेतकऱ्यांनी शेती तंत्रज्ञानाचा फायदा घेऊन प्रदर्शनाला उदंड प्रतिसाद दिला त्याबद्दल आयोजन समितीने आभार व्यक्त केले.
