फलटण टुडे वृत्तसेवा ( फलटण ) : –
फलटण बस स्थानकावरील श्री दत्त मंदिर येथे फलटण मधील प्रसिद्ध डॉ. सचिन ढाणे यांची लॅपटॉप असलेली बँग विसरून राहिली होती.
कर्तव्यावरील सुरक्षारक्षक सायंकाळी साडेसहा वाजता दत्त मंदिर येथे लाईट लावण्यासाठी गेले असता त्यांना सदरची बॅग दिसली, त्यांनी सदरची बॅग जमा करून घेतली व आगार व्यवस्थापक रोहित नाईक यांना बॅगेबाबत सांगितले.
बॅगे बाबत लक्षात आल्यानंतर डॉ.सचिन ढाणे यांनी फलटण आगारात बॅग हरवल्या बाबत चौकशी केली असता सुरक्षारक्षक गणेश सरक यांनी लॅपटॉप सापडल्याचे ढाणे यांना सांगितले व ओळख पटवून लॅपटॉप डॉ. ढाणे यांना सुपूर्त करण्यात आला.
फलटण आगाराचे वतीने आगार व्यवस्थापक रोहित नाईक, स्थानक प्रमुख राहुल वाघमोडे यांनी सुरक्षा रक्षक गणेश सरक यांचे अभिनंदन केले. डॉक्टर सचिन ढाणे यांनी सरक याचां शाल श्रीफळ देऊन उचित सत्कार केला व धन्यवाद व्यक्त केले.
फलटण आगाराचे सुरक्षारक्षक गणेश सरक यांनी भारतीय सैन्यात एयर ड्रॉपिंग मधे 19 वर्ष आपली सेवा बजावली. सरक यांच्या प्रामाणिक पणाबद्दल सरक यांचे सर्व स्तरातून अभिनंदन होत आहे.
