फलटण टुडे वृत्तसेवा :-
महाराष्ट्र राज्य माध्यमिक व उच्च माध्यमिक शिक्षण मंडळ कोल्हापूरविभागातर्फे आयोजित केलेल्या एच.एस.सी बोर्ड परीक्षा फेब्रुवारी/मार्च 2024 ची विज्ञान शाखेची परीक्षा बुधवार दि. 21 फेब्रुवारी 2024 पासून सुरु होत आहे.
श्रीमंत शिवाजीराजे इंग्लिश मीडियम स्कूल जाधववाडी फलटण केंद्र क्रमांक 105 विज्ञान शाखेच्या बैठक क्रमांक X013706 ते X014180 या केंद्रावरती असून एकुण 475 विद्यार्थ्यांची बैठक व्यवस्था प्रशालेत केलेली आहे. उर्वरित विद्यार्थ्यांसाठी उपकेंद्र म्हणून हनुमंतराव पवार हायस्कूल ज्युनिअर कॉलेज फलटण या ठिकाणी X014181 ते X014377 पर्यंत नंबर येथे असून एकूण 197 विद्यार्थी यांची बैठक व्यवस्था केली आहे वरील बैठक व्यवस्था ही इंग्रजी भौतिकशास्त्र आणि रसायनशास्त्र या विषयांसाठी असेल उर्वरित सर्व विषयांची परीक्षा ही मुख्य केंद्र श्रीमंत शिवाजी राजे इंग्लिश मीडियम स्कूल या ठिकाणी सर्व पेपर होतील सर्व विद्यार्थी व पालकांनी याची नोंद घ्यावी. विद्यार्थ्याने केंद्रावर बोर्डाने प्रकाशित केलेल्या अधिकृत वेळापत्रकाप्रमाणे प्रवेश पत्र (रिसीट), ओळख पत्र व लेखनसाहित्य घेऊन शालेय गणवेशात वेळेपूर्वी अर्धा तास अगोदर उपस्थित रहावे.
उशिरा येणा-या विद्यार्थ्यास परीक्षा कक्षात प्रवेश दिला जाणार नाही. विद्यार्थ्याने परीक्षा केंद्राच्या आवारात भ्रमनध्वनी (मोबाईल), टॅबलेट, इलेक्ट्रॉनिक घडयाळ, पॉकेट कॅलक्युलेटर वा तत्सम इलेक्ट्रॉनिक साधने किंवा उपकरणे परीक्षा केंद्रावर बाळगण्यास सक्त मनाई आहे.
विद्यार्थ्याने कोणत्याही गैरमार्गाचा अवलंब न करता कॉपीमुक्त वातावरणात निर्भयपणे परीक्षा दयावी. तसेच परीक्षा व्यवस्थितपणे पार पाडण्यासाठी विद्यार्थी व पालकांनी सहकार्य करावे असे आवाहन प्राचार्य सौ फाळके एस एस . , केंद्रप्रमुख श्री बोराटे एस बी , सुपरवायझर निंबाळकर एम पी उपकेंद्र संचालक शहा पी आर उपकेंद्र संचालक रणसिंग सर उपकेंद्र संचालक जमदाडे एस एस यांनी केले आहे.
