फलटण टुडे (बारामती ) :–
कटफळ येथील अजित दादा इंग्लिश मीडियम स्कूल येथे रक्षाबंधन सणाचे औचित्य साधून विद्यार्थ्यांच्या सप्त गुणांना वाव देण्यासाठी राखी बनवणे कार्यशाळा घेण्यात आली यामध्ये मोठ्या उत्साहाने विद्यार्थी सहभागी झाले. टाकाऊ पदार्थापासून राखी कशी तयार करायची याविषयी प्रात्यक्षिक व मार्गदर्शन इयत्ता पहिली ते आठवीच्या वर्ग शिक्षकांनी विद्यार्थ्यांना केले. वेगवेगळ्या रंगाचे कागद, वेगवेगळे मणी, लोकर,वेगवेगळ्या प्रकारच्या लेस यापासून अतिशय सहज रित्या वेगवेगळ्या आकाराच्या राख्या बनवण्याचे प्रशिक्षण विद्यार्थ्यांना देण्यात आले.यामध्ये विविध आकाराची राखी बनवून विद्यार्थ्यांनी स्व-निर्मितीचा आनंद घेतला. विद्यार्थ्यांनी टाकाऊ पदार्थापासून टिकाऊ तसेच विविध प्रकारचे साहित्य वापरून राखी निर्मिती केली. तसेच नववी व दहावी च्या विद्यार्थ्यांनी थाळी सजावट केली.तसेच सदर राख्या बारामती पोलीस स्टेशन मधील पोलीस बांधवाना नववी व दहावी च्या विद्यार्थिनींनी बांधून समाजासमोर आदर्श निर्माण करण्याचे काम विद्यार्थ्यांनी केले.यावेळी संस्थेच्या सचिव संगीताताई मोकाशी उपस्थित होत्या.कार्यशाळेचे नियोजन शाळेचे मुख्याध्यापक प्रशांत वणवे सर ,सर्व शिक्षक,व शिक्षकेतर कर्मचारी यांनी केले.