फलटण टुडे(सातारा दि. 13 ):
महाराष्ट्र राज्य परीक्षा परिषदेमार्फत घेण्यात आलेल्या पूर्व उच्च प्राथमिक (इ. 5 वी) आणि पूर्व माध्यमिक शिष्यवृत्ती परीक्षा (इ. 8वी) या परीक्षेची इयत्तानिहाय पेपरनिहाय (तात्पुरती) उत्तरसूची दि. 17 फेब्रुवारी 2023 रोजी परिषदेच्या www.mscepune.in व https://mscepuppss.in या संकेतस्थळावर प्रसिद्ध करण्यात आले आहे, अशी माहिती महाराष्ट्र राज्य परीक्षा परिषद, पुणे आयुक्त शैलजा दराडे यांनी दिली आहे.
अंतरिम उत्तरसूचीसंदर्भात विहित मुदतीत प्राप्त झालेल्या आक्षेपांवर विषय तज्ञांचे अभिप्राय विचारात घेऊन परीक्षा परिषेदेने उत्तरसूची सुधारित केली आहे. या उत्तरसूचीतील उत्तरे अंतिम समजण्यात येतील. या अंतिम उत्तरसूचीबाबत आलेली निवेदने विचारात घेतली जाणार नाहीत व त्याबाबत कोणताही पत्रव्यवहार केला जाणार नाही. या अंतिम उत्तरसूचीच्या आधारे निकाल तयार करण्यात येईल, असेही प्रसिद्धी पत्रकान्वये कळविले आहे.