कोविड १९ ची रुग्ण संख्या राज्यात वाढत आहे. त्याच प्रमाणात ऑक्सिजनची मागणी हि वाढली आहे. ऑक्सिजनसाठी पर्याय म्हणून ऑक्सिजन कॉन्सट्रेटरचा वापर केला जातो. ऑक्सिजनच्या वाढत्या मागणीच्या पार्श्वभूमीवर आरोग्य मंत्री मा.ना.राजेश टोपे साहेब यांनी राष्ट्रीय तसेच आंतरराष्ट्रीय संस्थाना मदतीचे आवाहन केले होते. सदर आवाहनास प्रतिसाद देत टेमासेक फौंडेशन, सिंगापूर यांनी तातडीने मदत करुन ऑक्सिजन कॉन्सट्रेटर उपलब्ध करून दिले आहेत. सदर ऑक्सिजन कॉन्सट्रेटरचे वाटप राज्यातील विविध भागात करण्यात आले आहे. महाराष्ट्र विधान परिषद सभापती मा.ना.श्रीमंत रामराजे नाईक निंबाळकर (महाराजसाहेब) यांच्या सूचनेनुसार उपलब्ध झालेल्या ऑक्सिजन कॉन्सट्रेटर पैकी काही ऑक्सिजन कॉन्सट्रेटर (एकूण १०) सातारा जिल्ह्यातील सार्वजनिक आरोग्य विभागांतर्गत ग्रामीण रुग्णालय, फलटण जि.सातारा रुग्णालयासाठी जिल्हा शल्यचिकित्सक यांचेकडे सुपुर्द करण्यात आले असल्याचे आरोग्य मंत्री मा.ना.राजेश टोपे साहेब यांनी पत्राद्वारे सभापती मा.ना.श्रीमंत रामराजे नाईक निंबाळकर (महाराजसाहेब) यांना कळविले आहे.