सातारा दि.15 (जिमाका): 1 मार्च 2020 ते 28 फेब्रुवारी 2021 या कालावधीत ज्या घरातील 21 ते 70 या वयोगटातील कर्त्या व्यक्तीचे निधन झाले आहे अशा विधवा महिलांना महिला व बाल विकास विभागाच्या जिजामाता/जिजाऊ या योजनेंतर्गत 50 हजार प्रति लाभार्थी मिळतील अशी पोस्ट व्हॉटस्अप वर व्हायरल होत असल्याचे निदर्शनास आले आहे. ही पोस्ट खोटी व बनावट असून अशा प्रकारची कोणतीही योजना महिला व बाल विकास विभागामार्फत कार्यान्वित नाही. या मेसेजमुळे नागरिकांची फसवणूक होण्याची शक्यता लक्षात घेता अशी कोणतीही योजना महिला व बाल विकास विभागामार्फत सातारा जिल्ह्यात तसेच इतर कोणत्याही जिल्ह्यात राबविली जात नसून या मेसेजला नागरिकांनी बळू पडू नये, असे आवाहन जिल्हा महिला व बाल विकास अधिकारी आर.एस. ढवळे यांनी केले आहे.