सातारा, दि. 12 (जिमाका) : स्वातंत्र्य दिनाचा 73 वा वर्धापन दिन शनिवार दि. 15 ऑगस्ट 2020 रोजी सकाळी 9.05 वा. जिल्हाधिकारी कार्यालयाचे प्रांगणात राष्ट्रध्वजारोहणाचा मुख्य शासकीय कार्यक्रम सातारा जिल्ह्याचे पालकमंत्री बाळासाहेब पाटील यांच्या हस्ते होणार आहे. या कार्यक्रमास सर्व शासकीय अधिकारी, कर्मचारी व नागरिकांनी उपस्थित रहावे, असे आवाहन जिल्हाधिकारी शेखर सिंह यांनी केले आहे.
तसेच मुख्य शासकीय समारंभास कोरोना विषाणूच्या संसर्गाचा पार्श्वभूमी व वस्तूस्थिती, सावधगिरीच्या उपाययोजना (कोविड- 19) विचारात घेता. नागरिकांनी सहभाग घ्यावा यासाठी दि. 15 ऑगस्ट रोजी सकाळी 8.35 ते 9.35 च्या दरम्यान ध्वजारोहणाचा व इतर कोणताही शासकीय किंवा अर्धशासकीय समारंभ करण्यात येवू नये. तथापि इतर शासकीय कार्यालयात अथवा संस्थेचा त्या दिवशी ध्वजारोहण समारंभ करावयाचा असेल तर तो त्या दिवशी सकाळी 8.35 पूर्वी किंवा 9.35 वा. नंतर करावा, असे आवाहनही जिल्हाधिकारी शेखर सिंह यांनी केले आहे.
00000