पवारवाडी ता.फलटण ग्रामपंचायत मार्फत कोरोना संसर्गाचा प्रादुर्भाव रोखण्यासाठी सोडिअम हायपोक्लोराइड सोल्युशनची फवारणी

आसू- आनंद पवार

ता.२३: पवारवाडी ता.फलटण ग्रामपंचायत मार्फत कोरोना संसर्गाचा प्रादुर्भाव रोखण्यासाठी व शासन निर्णयानुसार भविष्यात शाळा प्रत्यक्षात टप्प्या-टप्प्याने सुरु करण्यापूर्वी दक्षता म्हणून गावातील जिल्हा परिषद प्राथमिक केंद्र शाळा पवारवाडी,अंगणवाडी,

ज्योतिर्लिंग हायस्कुल व ज्युनिअर कॉलेज  सोडिअम हायपोक्लोराइड सोल्युशनची फवारणी करून संपूर्ण शाळा परिसर,सर्व वर्ग खोल्या,शौचालय निर्जंतुकीकरण करण्यात आले.त्याबरोबर ग्रामपंचायती मार्फत विदयार्थ्यांसाठी सॉनिटायझर स्टॉंड व सॉनिटायझर पुरवणार असल्याचे सरपंच ज्ञानेश्वर पवार यांनी सांगितले.

         शाळा सुरू करण्यासंदर्भात गावोगावच्या शाळा व्यवस्थापन समितीच्या सभांचे आयोजन करण्यात आले.यापूर्वी येथील जि.प.शाळेची सभा पार पडली.तर नुकतीच ज्योतिर्लिंग हायस्कूल शाळा समितीचे चेअरमन बाळासाहेब परकाळे यांच्या अध्यक्षतेखाली सभा संपन्न झाली.यावेळी सदस्य दयारामबापू शेडगे,

शिवाजी आण्णा पवार,आसूचे सरपंच महादेव सकुंडे,प्राचार्य श्री.भोईटे,पवारवाडीचे सरपंच ज्ञानेश्वर पवार,ग्रामसेवक श्री.आर.व्ही.धवडे, चंद्रहार पिसाळ,पालक प्रतिनिधि यांची उपस्थिती होती.प्रास्ताविक श्री.झणझणे सर यांनी केले.प्रशालेचे प्राचार्य श्री.भोईटे सर यांनी आभार मानले.त्यात शाळा निर्जंतुकीकरण करण्यासाठी स्थानिक स्वराज्य संस्था अथवा समाजसेवी संस्थांची मदत घ्यावी असे प्रशासनाने सूचवले आहे.त्यानुसार प्राथमिक,माध्यमिक शाळांच्या व्यवस्थापन समितीच्या सभा झाल्या.त्यात ग्रामपंचायतीने गावातील या शिक्षणाच्या तिन्ही शाखा  सॉनिटायझरने स्वच्छ करून देण्याची मागणी करण्यात आली.त्यानुसार पवारवाडी ग्रामपंचायतीच्या कर्मचारयांनी तिन्ही शाखा स्वच्छ करून वर्गखोल्या,शोचालय आणि परिसर निर्जंतुकीकरण केला.याबद्दल तिन्ही शाखांचे मुख्याध्यापक यांनी सरपंच ज्ञानेश्वर पवार यांच्यासह सदस्यांचे आभार मानले.

पवारवाडी ता.फलटण – येथे ज्योतिर्लिंग हायस्कूलचा परिसर निर्जंतुकीकरण करताना ग्रामपंचायतीचा कर्मचारी.