बारामती वृत्तसेवा :
सद्यस्थीतीत कोरोना व्हायरसचा संसर्ग पसरू नये म्हणून शासनाने लॉक डाउन केल्यामुळे गरजू लोकांना जीवनावश्यक वस्तूंच्या पुरवठ्यासाठी मदत करण्याचे आवाहन बारामती नगर परिषदेने केले होते .त्यानुसार बारामती एमआयडीसी मधील श्रायबर डायनामिक्स डेअरिज प्रा. ली. कंपनी ने बारामती नगरपरिषद कडे मदत दिली आहे. कंपनीने पाच टन गहू गरजू लोकांना वाटप करण्यासाठी नगर परिषदेस देण्याचे मान्य केले आहे त्यानुसार सदर गव्हाच्या खरेदी साठी धनादेश नगराध्यक्षा सौ पोर्णिमा तावरे याच्याकडे सुपूर्द करण्यात आला. याप्रसंगी माजी नगराध्यक्ष सुभाष सोमानी, कंपनीचे अधिकारी श्री महेंद्र उन्डे, मुकेश चव्हाण, यूनियन अध्यक्ष नानासो थोरात, संदीप बनकर उपस्थीत होते.
श्रायबर डायनामिक्स कंपनी सामाजिक बांधिलकी म्हणून वेळोवेळी मदत करण्यास सदैव अग्रेसर असते , गहू सोबत दोन टन स्किम मिल्क पावडर देण्याचेही कंपनीने ठरविले असल्याचे प्रकल्प व्यवस्थापक जितेंद्र जाधव यांनी सांगितले.
फोटो ओळ: पौर्णिमा तावरे यांच्या कडे धनादेश देताना कंपनीचे अधिकारी (छाया अनिल सावळेपाटील)