 |
फलटण, दि. 4 : 255 फलटण (अ.जा.) विधानसभा मतदार संघ सार्वत्रिक निवडणूक निमित्ताने मतदार संघातील मतदार यांच्यामध्ये मतदान करणे बाबत जनजागृती (स्वीप) कार्यक्रमांतर्गत मुधोजी हायस्कूल व ज्युनिअर कॉलेज, फलटण येथे एकाच वेळी 3200 विद्यार्थ्यांच्या उपस्थितीत संकल्प पत्र व प्रतिज्ञा उपक्रम संपन्न झाला.
प्रांताधिकारी तथा निवडणूक निर्णय अधिकारी शिवाजीराव जगताप, सहाय्यक निवडणूक निर्णय अधिकारी तथा तहसिलदार हनुमंत पाटील, नायब तहसीलदार निवडणुक शाखा अनंत गवारी गटविकास अधिकारी अमिता गावडे, स्वीप नोडल ऑफिसर किरण उदमले यांच्या मार्गदर्शनाखाली 255 फलटण (अ.जा.) विधानसभा सार्वत्रिक निवडणूक 2019 अनुषंगाने मतदारांमध्ये मतदान करण्यासाठी जनजागृती अभियान कार्यक्रम, उपक्रम सुरु आहेत.
भारत निवडणूक आयोग यांच्या निर्देशानुसार 255 फलटण (अ.जा.) विधानसभा सार्वत्रिक निवडणूक 2019 निमित्त स्वीप-2 कार्यक्रमांतर्गत मतदार यांना त्यांचा मतदान हक्क व जबाबदारीची जाणीव व्हावी या उद्देशाने शालेय विद्यार्थी यांच्या मार्फत त्याच्या पालकांकडून संकल्प पत्र भरून घेणे बाबत उपक्रम गुरुवार दि. 3 आक्टोंबर रोजी मुधोजी हायस्कूल व ज्युनियर कॉलेज, फलटण येथे यशस्वीरित्या संपन्न झाला.
मुधोजी हायस्कूल व ज्युनियर कॉलेज, फलटण येथील विद्यार्थी यांना मतदारा यांच्यामध्येे मतदान करणेबाबत जनजागृती (स्वीप 2) उपक्रमात एकाचवेळी 3200 विद्यार्थी मतदार जनजागृती संकल्प पत्र व प्रतिज्ञा उपक्रमात सहभागी झाले होते.
कार्यक्रमास 255 फलटण (अ.जा.) विधानसभा निवडणूक मतदार संघाचे स्वीप सहायक नोडल ऑफिसर सचिन जाधव, स्वीप सहाय्यक धैर्यशील पाटील, मुखाध्यापक, उपमुखाध्यापक शिक्षक, शिक्षिका, शिक्षकेतर कर्मचारी विद्यार्थी उपस्थित होते.