जात पडताळणी समितीचे दोन दिवस त्रुटी पुर्तता शिबीर”

फलटण टुडे (सातारा दि.27 ) :-

मराठा जात प्रमाणपत्राच्या आधारे ‘सामाजिक व शैक्षणिकदृष्ट्या मागास प्रवर्ग’ (SEBC) या प्रवर्गातून व्यावसायिक प्रवर्गातून प्रवेश घेणा-या मागासवर्गीय विद्यार्थ्यांना सहा महिन्याची मुदत दिलेली आहे. तरी माहे जुन २०२४ पासुन आजअखेर ज्या मागासवर्गीय विद्यार्थी / अर्जदारांनी समितीकडे जातपडताळणी प्रमाणपत्रासाठी अर्ज केला आहे परंतु अद्याप वैधता प्रमाणपत्र मिळाले नाही, अथवा ज्या अर्जदारांचे प्रकरण त्रुटीयुक्त आहे अशा (SEBC) मराठा व्यतिरिक्त इतर सर्व विद्यार्थी / अर्जदारांनी जिल्हा जाती प्रमाणपत्र पडताळणी समिती, सातारा या कार्यालयात दि. २८ व २९ ऑगस्ट २०२४ दरम्यान सर्व आवश्यक कागदपत्रांसह उपस्थित राहुन आपल्या प्रकरणी त्रुटीपुर्तता करावी, असे आवाहन श्रीमती स्वाती इथापे, उपायुक्त तथा सदस्य, जिल्हा जाती प्रमाणपत्र पडताळणी समिती, सातारा यांनी केले आहे.सन २०२४-२०२५ या शैक्षणिक वर्षात व्यावसायिक अभ्यासक्रमासाठी राज्य सामाईक प्रवेश परीक्षेच्या माध्यमातून आरक्षित जागेवर प्रवेश घेऊ इच्छिणाऱ्या मागासवर्गीय विद्यार्थ्यांना जातवैधता प्रमाणपत्र सादर करणे अनिर्वाय आहे. जात वैधता प्रमाणपत्र पडताळणी नियमानुसार समितीकडे अर्ज केल्यानंतर सामान्यतः तीन महिन्यांच्या आत जातवैधता प्रमाणपत्राबाबत समिती निर्णय घेते.माहे जुलै २०२४ या महिन्यामध्ये समितीकडे जवळपास ४६०० प्रस्ताव सादर झाले आहेत. माहे जुलै २०२४ महिनाअखेर व दि. २५ ऑगस्ट २०२४ अखेर एकुण मिळुन २६०० परिपुर्ण प्रस्तावांची छाननी करून प्रकरणी वैधता प्रमाणपत्र निर्गमित केलेली आहेत.