फलटण टुडे वृत्तसेवा (बारामती: प्रतिनिधी):-
विद्या प्रतिष्ठानचे कमलनयन बजाज अभियांत्रिकी महाविद्यालयातील २०२४ बॅचचे विद्यार्थी राजगौरी चव्हाण- बीई इलेक्ट्रिकल, स्नेहल राणे- बीई इलेक्ट्रिकल, श्रद्धा ठोंबरे- बीई सिव्हिल, शिवानी कापसे- बीई सिव्हिल, सोनल ठोंबरे- बीई इलेक्ट्रॉनिक्स अँड टेलिकम्युनिकेशन या पाचही विद्यार्थ्यांची ३.५पॅकेज देऊन महिंद्रा सस्टेन व महिंद्रा टेको या नामांकित कंपन्यांमध्ये प्लेसमेंटद्वारे निवड झाली आहे. हा कॅम्पस ड्राईव्ह यशस्वी करण्यासाठी संस्थेचे सेंट्रल टीपीओ डॉ. विशाल कोरे, अभियांत्रिकी महाविद्यालयातील प्रशिक्षण व प्लेसमेंट अधिकारी प्रा. सुरज कुंभार यांनी महत्त्वपूर्ण भूमिका पार पाडली. तसेच या प्लेसमेंट करिता, प्रा. मयूर गावडे, डॉ. रवी पाटील, प्रा.शिवाजी रासकर, या सर्वांनी विशेष कष्ट घेतले. या यशाबद्दल संस्थेचे सन्माननीय विश्वस्त मंडळ, महाविद्यालयाचे प्रभारी प्राचार्य डॉ. सुधीर लांडे तसेच सर्व प्राध्यापक व शिक्षकेतर कर्मचारी वर्ग यांनी निवड झालेल्या विद्यार्थ्यांचे अभिनंदन केले.
