फलटण टुडे (फलटण दि २८ मार्च २०२५):–
श्रीराम सहकारी साखर कारखान्यावर राज्य सरकारने प्रशासकाची नियुक्ती केली होती. प्रशासक म्हणून फलटणच्या प्रांताधिकारी आंबेकर मॅडम यांची नियुक्ती करण्यात आली होती. तसा त्यांनी कार्यभार देखील स्वीकारला
होता.
फलटण तालुक्याची सहकार विभागातील महत्त्वाची अर्थवाहीनी समजला जाणारा व महाराष्ट्र विधान परिषदेचे माजी सभापती आ. श्रीमंत रामराजे नाईक निंबाळकर यांच्या अथक प्रयत्ना मुळे आर्थिक अडचणीतून बाहेर आलेला
फलटण तालुक्यातील महत्त्वपूर्ण समजला जाणारा हा कारखाना आहे.
श्रीराम कारखान्यावर प्रशासक नियुक्त करण्यात आला होता या राज्य सरकारच्या निर्णयाच्या विरोधात श्रीराम सहकारी साखर कारखान्याचे चेअरमन डॉ. बाळासाहेब शेंडे उच्च न्यायालयात गेले होते उच्च न्यायालयात धाव घेऊन अपील दाखल दाखल केले होते. व चुकीच्या पद्धतीने प्रशासक नेमला असल्याचे उच्च न्यायालयाच्या निदर्शनास आणून दिलेत् यामुळे आज या अपीलावर सुनावणी होऊन कारखाना संचालक मंडळाची बाजू योग्य असल्याने राज्य सरकारने नेमलेला प्रशासक उच्च न्यायालयाने हटविला असल्याकारणाने आता या निर्णयामुळे श्रीराम सहकारी साखर कारखान्याच्या निवडणुकीचा मार्ग मोकळा झाला आहे लवकरच आता निवडणुकीची रणधुमाळी रंगणार आहे.