फलटण टुडे वृतसेवा (फलटण दि ०३ जून २०२५): – सन १९४८ साली १ जुन रोजी अहमदनगर – पुणे मार्गावर प्रथम एस.टी. धावली.१ जून रोजी एस.टी.
महामंडळाचा वर्धापन दिन महाराष्ट्रात साजरा करण्यात येतो.
आज फलटण आगारात विविध उपक्रम राबवून एस.टी.चा 77 वा वर्धापन दिन अतिशय आनंदात ,उत्साहात साजरा करण्यात आला.
वर्धापन दिना निमित्त फलटण आगारात सुंदर अशा रांगोळ्या काढण्यात आल्या होत्या. केळीचे खुंट व नारळाच्या फांद्या प्रत्येक फलटावर लावण्यात आल्या होत्या. ध्वनिक्षेपकावरून प्रवाशांना शुभेच्छा देण्यात येत होत्या.
मुख्य समारंभात ज्येष्ठ पत्रकार अरविंद भाई मेहता, प्रवासी संघटनेचे अध्यक्ष शिवलाल गावडे सर, दैनिक स्थैर्य संपादक प्रसन्न रुद्रभटे यांच्या हस्ते सजवलेल्या बसचे विधिवत पूजन करून, पुष्पहार घालून बस पुढे केक कापण्यात आला, उपस्थित प्रवाशांना गुलाब फुले व पेढे वाटण्यात आले. यावेळी सहाय्यक कार्यशाळा अधीक्षक शुभम रणवरे साहेब, प्रभारी स्थानक प्रमुख सुहास कोरडे साहेब, वाहतूक निरीक्षक रवींद्र सूर्यवंशी साहेब, सहाय्यक वाहतूक निरीक्षक सुखदेव अहिवळे साहेब, धीरज अहिवळे साहेब, वाहतूक नियंत्रक गजानन रिटे साहेब बहुसंख्य कर्मचारी बंधू-भगिनी व प्रवासी बंधू-भगिनी उपस्थित होते.
यावेळी प्रमुख पाहुण्यांचा एस.टी .प्रशासनाच्या वतीने शाल व मोती माळा व गुलाब पुष्प देऊन सत्कार करण्यात आला. एस.टी.च्या कायम प्रवाशी प्रा. सायरा मुलाणी यांचा विशेष सत्कार करण्यात आला.बस स्थानक स्वच्छ करणाऱ्या महिलांचा यावेळी गुलाब पुष्प देऊन सत्कार करण्यात आला.
प्रमुख पाहुण्यांनि फलटण आगाराच्या प्रवाशी सेवेबद्दल समाधान व्यक्त करून वर्धापन दिनानिमित्त शुभेच्छा दिल्या.
