१७ वर्षाखालील मुले साई फुटबॉल अकॅडमी पुणे संघ, १७ वर्षाखालील मुलीं संजीवन फुटबॉल क्लब कोल्हापूर तर १४ वर्षाखालील मुले संजीवन फुटबॉल क्लब कोल्हापूर रॉयल चॅम्पियनशिप फुटबॉल चषक चे मानकरी
रॉयल फुटबॉल चॅम्पियनशिप २०२५ /२६ च्या फुटबॉल चषक स्पर्धेच्या उद्घाटन प्रसंगी शिवाजीराव घोरपडे,महादेवराव माने,तुषार नाईक निंबाळकर,सौ मीनल दिक्षित,संजय फडतरे,राहुल नाईक निंबाळकर व इतर मान्यवर
फलटण टुडे वृत्तसेवा ( फलटण ,०८ ऑक्टोबर २०२५):- सातारा जिल्हा परिषदेचे माजी अध्यक्ष मा. श्रीमंत संजीवराजे नाईक निंबाळकर साहेब यांच्या ६१ पुर्ती अभिष्टचिंतन सोहळ्यानिमित्त फलटण जिमखाना व श्रीमंत शिवाजीराजे इंग्लिश मीडियम स्कूल (सी बी एस ई ) आयोजित रॉयल फुटबॉल चॅम्पियनशिप २०२५ /२६ च्या फुटबॉल चषक स्पर्धा श्रीमंत शिवाजीराजे क्रीडा संकुल , फलटण व श्रीमंत शिवाजीराजे इंग्लिश मीडियम स्कूल (सी बी एस इ ) जाधववाडी, फलटण येथे पार पडल्या.
सदर स्पर्धेचे उद्घाटन फलटण एजुकेशन सोसायटी च्या क्रीडा समितीचे अध्यक्ष शिवाजीराव घोरपडे यांच्या शुभहस्ते झाले. यावेळी श्रीराम सहकारी साखर कारखान्याचे संचालक महादेवराव माने, प्राचार्या मीनल दिक्षित,युवा उद्योजक तुषार जगदेवराव नाईक निंबाळकर, जेष्ठ फुटबॉल प्रशिक्षक संजय फडतरे, क्रीडा समिती सचिव सचिन धुमाळ, दत्तात्रय मोहिते , पत्रकार अमोल नाळे,प्रवीण काकडे ,सुरेंद्र फाळके,प्रगतीशील बागायतदार राहुल नाईक निंबाळकर, क्रीडा प्रशिक्षक अमित काळे,तायप्पा शेंडगे,सूरज ढेंबरे , हर्षल कदम ,मोनील शिंदे इत्यादी मान्यवर उपस्थित होते.
सदर स्पर्धा साखळी व बाद पद्धतीने खेळवली गेली स्पर्धेमध्ये १७ वर्षाखालील मुलांचे १२ संघाने सहभाग नोंदवला १७ वर्षाखालील मुलींच्या स्पर्धेमध्ये १२ संघांनी सहभाग नोंदवला तसेच १४ वर्षाखालील मुलांच्या स्पर्धेमध्ये १२ संघाने सहभाग नोंदवला अश्या प्रकारे स्पर्धेत एकूण ३६ संघांनी सहभाग नोंदवला
सदर स्पर्धेत १७ वर्षाखालील मुलांच्या स्पर्धेमध्ये अंतिम सामना साई फुटबॉल अकॅडमी आणि संजीवन फुटबॉल क्लब कोल्हापूर यांच्या सोबत झाला निर्णय वेळेत सामना (0-0)बरोबरीत सुटला पेनल्टी शूटआउट वरती साई फुटबॉल अकॅडमी पुणे यांनी ५/४गोल नोंदवून रॉयल चॅम्पियनशिप स्पर्धेचे विजेतेपद पटकावले .
१७ वर्षाखालील मुलींच्या स्पर्धेमध्ये संजीवन फुटबॉल क्लब कोल्हापूर संजीवन फुटबॉल अकॅडमी व एस्पायर फुटबॉल अकॅडमी पुणे यांच्यात अंतिम सामना झाला निर्णायक वेळेमध्ये ३/० अशा गोल फरकाने संजीवन फुटबॉल क्लब कोल्हापूर संघाने विजय मिळवत रॉयल चॅम्पियनशिप स्पर्धेचे विजेतेपद पटकावले .
१४ वर्षाखालील मुलांच्या स्पर्धेमध्ये संजीवन फुटबॉल ॲकॅडमी आणि फलटण जिमखाना फलटण संघात झाला (1-0) फरकाने संजीवन फुटबॉल क्लब कोल्हापूर संघाने विजय मिळवत रॉयल चॅम्पियनशिप स्पर्धेचे विजेतेपद पटकावले.
या स्पर्धेसाठी हॉटेल द रॉयल कोर्ट, सगुणामाता कन्स्ट्रक्शन, गव्हर्नमेंट वॉटर सप्लायर विश्वराज नाईक निंबाळकर,फलटण टुडे न्यूज़ नेटवर्क यांचे विशेष सहकार्य लाभले.
सदर स्पर्धेचा बक्षीस वितरण समारंभ सायंकाळी मान्यवरांच्या उपस्थितीत पार पडला यावेळी विजेत्या संघासफलटण येथील फुटबॉल क्रीडा क्षेत्रातील मानाचा रॉयल चॅम्पियनशिप चषक प्रदान करण्यात आला व खेळाडूंना मेडल देऊन गौरविण्यात आले.या स्पर्धेसाठी सूत्रसंचालन तायप्पा शेंडगे यांनी केले.
