फलटण टुडे वृत्तसेवा ( फलटण दि ०८ ऑक्टोबर २०२५):-फलटण एज्युकेशन सोसायटी संचलित व महात्मा फुले कृषी विद्यापीठ, राहुरी संलग्नित श्रीमंत शिवाजीराजे उद्यानविद्या महाविद्यालय व कृषी महाविद्यालय, फलटण आणि फलटण ब्लड बँक यांच्या संयुक्त विद्यमाने जिल्हा परिषद, सातारचे माजी अध्यक्ष तथा सेक्रेटरी, फलटण एज्युकेशन सोसायटी, फलटणचे मा. श्रीमंत संजीवराजे नाईक निंबाळकर यांच्या ६१व्या वाढदिवसानिमित्त महाविद्यालयामध्ये राष्ट्रीय सेवा योजना विभागामार्फत मंगळवार, दि. 7 ऑक्टोबर 2025 रोजी सजग युवकांच्या रक्तदान शिबिराचे आयोजन करण्यात आले होते.
या भव्य रक्तदान शिबिराचे उद्घाटन मा. श्रीमंत संजीवराजे नाईक निंबाळकर यांच्या हस्ते संपन्न झाले. या शिबिरा निमित्त श्री. पांडुरंग गुंजवटे, माजी नगराध्यक्ष, फलटण, युवा नेते श्री. जयकुमार इंगळे, मे. गव्हर्निंग कौन्सिलचे सदस्य श्री. चंद्रकांत रणवरे, श्री. धनंजय पवार, चेअरमन, फलटण दुध सहकारी संघ, महाविद्यालयीन समितीचे व्हॉइस चेअरमन श्री. शरदराव रणवरे, श्री. रामदास कदम, श्री. महादेव माने व श्री. बाळासाहेब सांगळे, संचालक, श्रीराम सहकारी साखर कारखाना, श्रीमंत शिवाजीराजे उद्यानविद्या महाविद्यालयाचे प्राचार्य डॉ. एस. डी. निंबाळकर, कृषी महाविद्यालयाचे प्राचार्य डॉ. यु. डी. चव्हाण तसेच ब्लड बँक, फलटणचे डॉ. डी. जी. करवा व डॉ. ऋषिकेश राजवैद्य व सर्व कर्मचारी आदी उपस्थित होते.
या रक्तदान शिबिरात विद्यार्थी, विद्यार्थिनी, प्राध्यापक वृंद व कर्मचारी यांनी उच्चांकी १३१ बॅग्स रक्तदान करण्याचे योगदान दिले. रक्तदान केलेल्या सर्वांना आयोजकांतर्फे सहभाग प्रमाणपत्र व भेटवस्तू देण्यात आल्या.
भव्य रक्तदान शिबिर यशस्वीरित्या पार पाडण्यासाठी राष्ट्रीय सेवा योजनेचे कार्यक्रम अधिकारी प्रा. एस. पी. तरटे व प्रा. एम. एस. बिचुकले, स्वयंसेवक विद्यार्थ्यांनी विशेष योगदान दिले.
