साखरवाडी विद्यालयातील विद्यार्थ्याने घरीच केला आंतरराष्ट्रीय योगदिन साजरा

फलटण :- सध्या जगावर करोना महामारीचे संकट असल्यामुळे सोशल डिस्टंसिंग व गर्दी  करणे यावर निर्बंध आसल्यामुळे आज २१/०६/२०२० रोजी आंतरराष्ट्रीय योग दिवस असल्यामुळे साखरवाडी विद्यालय साखरवाडी येथील विद्यार्थ्यांनी आपल्या घरीच योगा प्रात्यक्षिक करून योगदिन साजरा केला . 

       साखरवाडी विद्यालयमध्ये गेले अनेक वर्ष मल्लखांब व योगाचे प्रशिक्षण दिले जाते तसेच मल्लखांबावर वेगवेगळे योगासने केली जातात. मलखांब व योगासन ह्या एकाच नाण्याच्या दोन बाजू आहेत आणि योगासनाचे उपयोगा मल्लविद्या (कुस्ती) यासाठी होतो. तसेच आरोग्यासाठी शरीर लवचिक व काटक बनवण्यासाठी होतो. त्याचबरोबर मनाची एकाग्रता वाढते. क्षणात निर्णय घेण्याची क्षमता देखील वाढते. 

साखरवाडी विद्यालयातून आतापर्यंत शिक्षणाबरोबर ,योगासन व मल्लखांबाचे शिक्षण घेऊन शेकडो  विद्यार्थी बाहेर पडले आहेत. ते आपापल्या पद्धतीने मल्लखांब व योगासनाचा सराव करत असतात. आज आंतरराष्ट्रीय योगा दिनानिमित्त विद्यालयातील विद्यार्थी हितेंन्द्र चंद्रकांत भोसले राहणार साखरवाडी (पिंपळवाडी) यांनी आपल्या घरी योगासने केली व योगादिन साजरा केला त्याला वेळोवेळी मार्गदर्शन करणारे साखरवाडी विद्यालयाचे माजी  मल्लखांब प्रशिक्षक व मल्लखांब पंच हनुमंतराव खंडझोडे यांनी त्याला मार्गदर्शन केले तसेच विद्यालयातील प्राचार्य ,उपप्राचार्य, संचालक मंडळाने  हितेंद्र भोसले याला प्रोत्साहन दिले .