श्रीमंत भैय्यासाहेब राजेमाने महाविद्यालय, म्हसवडच्या कुस्तीपटूंचे सातारा विभागीय कुस्ती स्पर्धेमध्ये घवघवीत यश!

फलटण टुडे वृत्तसेवा (म्हसवड ):-

शिवाजी विद्यापीठ, कोल्हापूर अंतर्गत सातारा विभागीय कुस्ती स्पर्धा (पुरुष) या बाळासाहेब देसाई महाविद्यालय, पाटण जि. सातारा या ठिकाणी नुकत्याच यशस्वी पार पडल्या. या सातारा विभागीय कुस्ती स्पर्धेमध्ये फलटण एज्युकेशन सोसायटीचे श्रीमंत भैय्यासाहेब राजेमाने महाविद्यालय म्हसवडचे कुस्तीपटू आण्णा प्रताप मदने (74 कि.ग्रॅ.)वजन गटामध्ये फ्री स्टाईल या प्रकारामध्ये दुसरा क्रमांक ,समाधान आप्पा खांडेकर याने ( 74 कि.ग्रॅ.)वजन गटांमध्ये तृतीय क्रमांक मिळवला आहे. तसेच सागर खाडे (77 कि.ग्रॅ.) वजन गटामध्ये ग्रीको रोमन या क्रीडा प्रकारांमध्ये दुसरा क्रमांक व किरण शेंबडे याने (82 कि.ग्रॅ.) ) वजन गटांमध्ये तृतीय क्रमांक मिळवला आहे.
या खेळाडूंची शिवाजी विद्यापीठ, कोल्हापूर , आंतर विभागीय कुस्ती स्पर्धेसाठी निवड झालेली आहे. विजेत्या संघाचे फलटण एज्युकेशन सोसायटी, फलटणचे अध्यक्ष आमदार श्रीमंत रामराजे नाईक निंबाळकर, संस्थेचे चेअरमन श्रीमंत रघुनाथराजे नाईक निंबाळकर, सेक्रेटरी श्रीमंत संजीवराजे नाईक निंबाळकर, खजिनदार श्री.हेमंत रानडे, महाविद्यालय विकास समितीचे व्हाईस चेअरमन व फलटण एज्युकेशन सोसायटी गव्हर्निंग कौन्सिलचे सदस्य श्रीमंत अँड.पृथ्वीराज राजेमाने, . डॉ .पार्श्वनाथ राजवैद्य, फ.ए.सो. क्रीडा समितीचे अध्यक्ष श्री. शिवाजीराव घोरपडे, महाविद्यालय विकास समिती सदस्य श्री नितीन दोशी फ.ए.सोसायटीचे प्रशासन अधिकारी श्री.अरविंद निकम, महाविद्यालयाचे प्र प्राचार्य प्रो.डॉ. संजय दीक्षित, सर्व सी डी सी शारीरिक शिक्षण संचालक प्रा. शेंडगे टी .एम. व सहाय्यक शारीरिक शिक्षण संचालक श्री. बापूराव कोळेकर ,महाविद्यालयातील प्राध्यापक व प्राध्यापकेत्तर कर्मचारी यांनी अभिनंदन केले आणि पुढील स्पर्धेसाठी शुभेच्छा दिल्या.