अस्मिता राज्यस्तर ज्युनिअर महिला हॉकी स्पर्धेमध्ये तृतीय क्रमांक पटकावलेल्या दी हॉकी सातारा संघाच्या विजेता महिला खेळाडू ,प्रशिक्षक महेश खुटाळे, हॉकी प्रशिक्षक सचिन धुमाळ व इतर मान्यावर
फलटण टुडे (पुणे/पिंपरी चिंचवड दि २२ मार्च २०२५):-
मेजर ध्यानचंद हॉकी स्टेडियम पिंपरी चिंचवड पुणे येथे हॉकी महाराष्ट्र व स्पोर्ट्स ऍथॉरिटी ऑफ इंडिया (साई) त्यांच्या संयुक्त विद्यमाने मेजर ध्यानचंद हॉकी स्टेडियम पिंपरी चिंचवड पुणे येथे अस्मिता राज्यस्तर ज्युनिअर महिला हॉकी स्पर्धांची आयोजन करण्यात आले होते या स्पर्धेमध्ये मुंबई, पुणे, कोल्हापूर ,नागपूर, अहिल्यादेवीनगर,जळगाव, संभाजीनगर व सातारा या जिल्ह्यातील महिला खेळाडूंच्या संघांनी सहभाग घेतला होता.
सातारा जिल्ह्याच्या महिला खेळाडू सब ज्युनिअर वयोगटातील असून सुद्धा ज्युनिअर संघाचा अत्यंत चुरशीने पराभव करत लीग स्पर्धांमध्ये विजय मिळवला.
या स्पर्धा पॉलीग्रास (कृत्रिम गवत) मैदानावरती घेण्यात आल्या होत्या.सेमी फायनल मध्ये कायमस्वरूपी पॉलीग्रास मैदानाव सराव करणाऱ्या बलाढ्य मुंबई संघाबरोबर सातारा जिल्ह्याच्या महिला संघाचा पॉलीग्रास मैदानावरती सराव नसताना सुद्धा अत्यंत चुरशीच्या लढतीत एक झिरो ने लीड घेतले त्यानंतर सामना बरोबरच सुटून सातारा जिल्ह्याचा महिला संघ झिरो एकने पराभूत झाला. खेळाडूंनी अत्यंत उत्कृष्ट खेळ करत सामना पाहायला आलेल्या आंतरराष्ट्रीय खेळाडूंची तसेच प्रेक्षकांचे मन जिंकली.
सामना पाहायला आलेल्या सर्व आंतरराष्ट्रीय खेळाडूंनी स्वतः येऊन पॉलीग्रास मैदानावरती तुमचा सराव नसताना सुद्धा तुम्ही उत्कृष्ट खेळ केलात व मुंबईला निसटता विजय मिळाला असे महिला खेळाडूंना सांगून ऑलिंपियान माननीय श्री धनंजय महाडिक सर व माननीय श्री विक्रम पिल्ले सरानी खेळाडूंचे तोंड भरून कौतुक केले. व फलटण सारख्या ठिकाणी एवढे उत्कृष्ट खेळाडू तयार होत असतील तर पॉलीग्रास मैदान किंवा astro turf मैदान होणे आवश्यक असल्याचे नमूद केले. मी स्वतः फलटणला आपल्या ग्राउंड ला नक्कीच भेट देणार असल्याची ग्वाही दिली.
दि हॉकी सातारा महिला संघाने तृतीय क्रमांकासाठी कोल्हापूर संघाचा दोन एकने पराजय करत तृतीय क्रमांक पटकावून सातारा जिल्ह्याच्या संघटना स्पर्धांमध्ये आणखी एक मानाचा तुरा रोवला.उत्कृष्ट खेळाडू म्हणून तेजस्विनी कर्वे, सिद्धी केंजळे व वेदिका वाघमोडे यांना हॉकी स्टिक देऊन गौरविण्यात आले.
स्पर्धेचा बक्षीस समारंभ भारताच्या केंद्र सरकारचे क्रीडा खाते भारतीय खेल प्राधिकरण चे रिजनल डायरेक्टर माननीय श्री चाटे साहेब यांच्या हस्ते करण्यात आला. बक्षीस समारंभासाठी भारतीय पुरुष संघाचे माजी हॉकी प्रशिक्षक क्लारेन्स लोबो सर, ओलंपियन अजित लाकरा सर, विक्रम पिल्ले सर, धनंजय महाडिक सर तसेच ज्येष्ठ आंतरराष्ट्रीय खेळाडू रमेश पिल्ले सर उपस्थित होते.
सदर राज्य स्पर्धा यशस्वी पार पाडण्यासाठी तसेच योग्य आयोजन व नियोजन हॉकी महाराष्ट्राचे वरिष्ठ उपाध्यक्ष माननीय श्री मनोज भोरे सर यांनी उत्कृष्टपणे केले होते. तसेच त्यांनी साताऱ्या जिल्ह्याच्या महिला हॉकी खेळाडूंना बोलावून उत्कृष्ट खेळ केल्याबद्दल शाबासकी दिली.
दि हॉकी सातारा महिला संघाला महाराष्ट्राचे वरिष्ठ राष्ट्रीय हॉकी प्रशिक्षक तथा संघटनेचे सचिव महेश खुटाळे , हॉकी प्रशिक्षक सचिन धुमाळ व श्री बी बी खुरंगे सर यांचे मार्गदर्शन लाभले.
दि हॉकी सातारा संघटनेच्या विजयी झालेल्या खेळाडूंना व प्रशिक्षकांना माजी महाराष्ट्र राज्य विधान परिषद अध्यक्ष तथा विद्यमान विधान परिषदेचे आमदार मा श्रीमंत रामराजे नाईक निंबाळकर, माजी आमदार श्री दिपकराव चव्हाण , कृषी उत्पन्न बाजार समितीचे चेअरमन मा. श्रीमंत रघुनाथराजे नाईक निंबाळकर , महाराष्ट्र खो-खोअसोसिएशनचे अध्यक्ष मा.श्रीमंत संजीवराजे नाईक निंबाळकर , फ.ऐ. सोसायटीच्या नियामक मंडळाचे सदस्य,फ.ऐ. सोसायटीचे प्रशासन अधिकारी श्री अरविंद निकम,फ.ऐ. सोसायटीच्या क्रीडा समितीचे चेअरमन श्री शिवाजीराव घोरपडे व सर्व सदस्य तसेच मुधोजी हायस्कूलचे प्राचार्य श्री वसंतराव शेडगे, तसेच दि हॉकी सातारा संघटनेचे अध्यक्ष श्री बाहुबली शहा, सदस्य प्रवीण गाडे, महेंद्र जाधव, विजय मोहिते, पंकज पवार, सचिन लाळगे व माजी राष्ट्रीय हॉकी खेळाडू सुजीत निंबाळकर यांनी सर्वांचे अभिनंदन केले.
