मुधोजी हायस्कूलच्या 15 वर्षाखालील मुलांच्या विजेता संघाचे अभिनंदन करताना महाराष्ट्र राज्य खो-खो असोशिएशनचे अध्यक्ष मा. श्रीमंत संजीवराजे नाईक निंबाळकर (बाबा ) , क्रीडा समिती अध्यक्ष शिवाजीराव घोरपडे , प्रशासन अधिकारी अरविंद निकम, अधिक्षक श्रीकांत फडतरे , प्राचार्य गंगवणे बाबासाहेब , सचिन धुमाळ , बी. खुरंगे
मुधोजी हायस्कूलच्या 17 वर्षाखालील मुलींच्या
विजेता संघाचे अभिनंदन करताना महाराष्ट्र राज्य खो-खो असोशिएशनचे अध्यक्ष मा श्रीमंत संजीवराजे नाईक निंबाळकर (बाबा), क्रीडा समिती अध्यक्ष शिवाजीराव घोरपडे , प्रशासन अधिकारी अरविंद निकम,अधिक्षक श्रीकांत फडतरे, प्राचार्य गंगवणे बाबासाहेब , सचिन धुमाळ , बी. खुरंगे
फलटण ( फलटण टुडे ) :
जिल्हा क्रीडा अधिकारी कार्यालय सातारा , फलटण तालुका क्रीडा अधिकारी कार्यालय फलटण व मुधोजी हायस्कूल व ज्युनियर कॉलेज, फलटण यांच्या वतीने रविवार दिनांक ७ व ८ ऑगस्ट २०२२ रोजी श्रीमंत शिवाजीराजे क्रीडा संकुल फलटण येथे जिल्हास्तरीय नेहरू चषक हॉकी स्पर्धेचे आयोजन केले होते. या स्पर्धेमध्ये मुधोजी हायस्कूलच्या 15 वर्षाखालील मुलांच्या संघाने प्रथम क्रमांक मिळवला व 17 वर्षाखालील मुलींच्या संघाने प्रथम क्रमांक मिळवला तसेच 17 वर्षाखालील मुलांच्या संघाने द्वितीय क्रमांक मिळवला.
स्पर्धेचे उद्घाटन फलटण चे तहसीलदार मा. समीर यादव, यांच्या शुभहस्ते करण्यात आले फलटण एज्युकेशन सोसायटी चे क्रीडा समिती चेअरमन मा. शिवाजीराव घोरपडे, दैनिक सकाळ चे शहर प्रतिनीधी किरण बोळे , दैनिक गंधर्वता चे संपादक रोहित अहिवळे , सीनियर हॉकी खेळाडू सुजित निंबाळकर, सचिन लाळगे, विपुल गांधी यांच्या उपस्थितीत संपन्न झाला.
यावेळी झालेच्या सामन्या मधे मुधोजी हायस्कूलच्या 15 वर्षाखालील मुलांच्या संघाचा पहिला सामना सैनिक स्कूल सातारा या संघाबरोबर झाला. हा सामना अतिशय चुरशीने खेळला गेला. हा सामना मुधोजी हायस्कूल संघाने 3 – 0 ने जिंकून स्पर्धेच्या अंतिम फेरीत प्रवेश मिळविला. या सामन्यात निलेश वेताळ, फरहान शेख,. सर्वज्ञ तरटे यांनी खेळाचे उत्तम प्रदर्शन करत गोल नोंदवले.
स्पर्धेचा अंतिम सामना के.एस.डी शानबाग सातारा या संघाबरोबर झाला. हा सामना मुधोजी हायस्कूल मुलांच्या संघाने 4 – 0 च्या गोल फरकाने जिंकून स्पर्धेचे विजेतेपद पटकावले. या अंतिम सामन्यांमध्ये देवेश मोहिते, गरगटे ओम, शेख फरहान, सर्वज्ञ तरटे यांनी उत्कृष्ट कामगीरी करुन निर्णय असे गोल केले. तसेच फॉरवर्ड मध्ये स्वदीप कचरे , मोहित मदने यांनी देखील उत्कृष्ट खेळाचे प्रदर्शन केले .डिफेन्स मध्ये साईराज काटकर, विनय भोईटे , जाधव विनय , गोळे प्रेम, सत्यजित सस्ते, इंगोले अथर्व, जाधव सोहम, व गोलकीपर म्हणून सुमित गोरवे यांनी उत्कृष्ट खेळाचे प्रदर्शन केले.
तसेच यावेळी 17 वर्षाखालील मुधोजी हायस्कूल च्या मुलींच्या संघाने देखील अंतिम सामन्यांमध्ये उत्कृष्ट खेळाचे प्रदर्शन करून या स्पर्धेचे विजेतेपद पटकावले. यावेळी मुधोजी हायस्कूल चा अंतिम सामना के.एस.डी शानबाग सातारा या संघाबरोबर झाला. हा सामना मुधोजी हायस्कूल मुलींच्या संघाने 4- 0 गोल च्या फरकाने जिंकला.
यावेळी अंतीम सामन्यांमध्ये दीक्षा शिंदे हिने उत्कृष्ट खेळाचे प्रदर्शन करून गोल नोंदवले , प्रणिता राऊत, सिद्धी केंजळे, निकिता वेताळ यांनी उत्कृष्ट खेळाचे प्रदर्षन करत निर्णयक गोल नोंदवले. फॉरवर्ड मध्ये श्रेया गांधी, साक्षी पुजारी, श्रुती भोसले यांनी उत्कृष्ट खेळाचे प्रदर्शन केले. डिफेन्स मध्ये अनुराधा ठोंबरे, अनुष्का केंजळे, सिद्धी काटकर, सिफा मुलानी, श्रेया चव्हाण, कोठी श्रावणी ,तेजस्विनी कर्वे व गोलकीपर म्हणून अनुष्का चव्हाण यांनी देखील उत्कृष्ट खेळाचे प्रदर्शन केले.
या स्पर्धेतील कामगीरी च्या जोरावर 15 वर्षाखालील मुले व 17 वर्षाखालील मुलीं या दोन्ही संघाची विभाग स्तरीय नेहरू चषक हॉकी स्पर्धेसाठी निवड झालेली . तसेच 17 वर्षाखालील मुलांच्या संघाने देखील या स्पर्धेत उपविजेतेपद पटकावले. या सर्व यशस्वी खेळाडूंना शासकीय राज्य क्रीडा मार्गदर्शक महेश खुटाळे , सचिन धुमाळ , खुरंगे बी.बी व धनश्री क्षिरसागर यांनी मार्गदर्शन केले.
या सर्व यशस्वी खेळाडूंना व त्यांना मार्गदर्शन करणाऱ्या क्रीडा शिक्षकांना फलटण ऐज्युकेशन सोसायटीचे अध्यक्ष तथा सभापती विधान परिषद महाराष्ट्र राज्य मा. नामदार श्रीमंत रामराजे नाईक निंबाळकर साहेब, फलटण ऐज्युकेशन सोसायटी चे चेअरमन तथा मा. सभापती कृषी उत्पन्न बाजार समिती फलटण मा. श्रीमंत रघुनाथराजे नाईक निंबाळकर ( बाबा ), फलटण एज्युकेशन सोसायटी चे सेक्रेटरी तथा महाराष्ट्र राज्य खो-खो असोशिएशनचे अध्यक्ष मा.श्रीमंत संजीवराजे नाईक निंबाळकर (बाबा), फलटण एज्युकेशन सोसायटी च्या क्रीडा समितीचे चेअरमन शिवाजीराव घोरपडे, फलटण एज्युकेशन सोसायटी चे प्रशासन अधिकारी अरविंद निकम, अधीक्षक श्रीकांत फडतरे, मुधोजी हायस्कूल व ज्युनिअर कॉलेज चे प्राचार्य गंगवणे बी.एम, उपप्राचार्य ननवरे ए .वाय. मुधोजी हायस्कूल व ज्युनिअर कॉलेज चे उपप्राचार्य फडतरे एम.के., पर्यावेक्षक शिवाजीराव काळे , फलटण एज्युकेशन सोसायटी च्या क्रीडा समितीचे सर्व सदस्य तसेच प्रशालेतील क्रीडा शिक्षक व सर्व शिक्षकांनी विजेता संघातील खेळाडूंचे अभिनंदन करून पुढील स्पर्धेसाठी शुभेच्छा दिल्या.