गुणवंत शिक्षक व कर्मचारी पुरस्कार प्राप्त शिक्षकांसमवेत प्राचार्य श्री सुधीर अहिवळे,श्री नितीन जगताप,श्री सोमनाथ माने,सौ पूजा पाटील
फलटण टुडे वृत्तसेवा ( फलटण दि. १०) :-
फलटण एज्युकेशन सोसायटी संचलित मुधोजी हायस्कूल व ज्युनिअर कॉलेजमध्ये 5 सप्टेंबर डॉ.सर्वपल्ली राधाकृष्णन यांचा जन्मदिवस शिक्षक दिन म्हणून साजरा केला जातो या दिवसाचे औचित्य साधून शाळा अंतर्गत गुणवंत शिक्षक व गुणवंत कर्मचारी आणि गुणवंत सेवक असे प्रशालेतील विविध विभागामध्ये उत्तम काम करणाऱ्या एकुण नऊ शिक्षकांना गुणवंत शिक्षक व एक शिक्षकेतर कर्मचारी यांना गुणवंत कर्मचारी आणि एक सेवक वर्गांतील सेवकास गुणवंत सेवक हा पुरस्कार देऊन सन्मानित करण्यात आले .
गेल्या काही वर्षापासून खंडित झालेली पुरस्काराची ही परंपरा मागील वर्ष पासून पुन्हा सुरू करण्यात आली असून सन्मानचिन्ह व पुष्पगुच्छ असे या पुरस्काराचे स्वरूप असल्याचे प्रशालाचे प्राचार्य मा .श्री सुधीर अहिवळे यांनी सांगितले .सन 2024 -2025 सालच्या आदर्श शिक्षक पुरस्काराने खालील विभागातील शिक्षकांना गुणवंत पुरस्काराने सन्मानित करण्यात आले .
किमान कौशल्य विभागातून :- विभागप्रमुख श्री राजेंद्र रणसिंग
उच्च माध्यमिक विभागातून :-श्री संदीप पवार व सौ. वनिता लोणकर
दुपार विभागातून :-श्री शामराव आटपाडकर व सौ. दिपश्री घाडगे, सौ. शारदा निंबाळकर,
सकाळ विभागातून :-श्री सचिन धुमाळ , कु . तृप्ती शिंदे , सो.वैशाली रसाळ
शिक्षकेतर कर्मचारी विभागातून :-श्री नितीन भोसले
सेवक वर्गातून :-श्री राजेंद्र मुळीक
वरील सर्वांना त्यांच्या विशेष कार्याबद्दल सन्मानित करण्यात आले. यावेळी सत्कारमूर्तींचा परिचय व त्यांच्या सन 2024 – 2025 च्या विशेष कामाची माहिती यावेळी देण्यात आली .व यावेळी मा . प्राचार्य सुधीर अहिवळे यांच्या शुभहस्ते गुणवंतांन सन्मानचिन्ह व पुष्पगुच्छ देऊन सन्मानित केले व पुढील वाटचालीस शुभेच्छा दिल्या .
यावेळी बोलतांना मा.प्राचार्य सुधीर अहिवळे यांनी सांगितले की आपण चांगले काम केले असता आपण पुरस्काराचे मानकरी हे होतच असतो पण आपण केलेल्या कामाचा आदर्श व प्रेरणा इतरांनी घेऊन तसेच काम यापुढील काळात करून त्या आदर्शावर चालावे व इतरांनाही प्रेरीत करावे असे प्रतिपादन यावेळी केले.
यावेळी या कार्यक्रमास मुधोजी हायस्कूल चे उपप्राचार्य श्री नितीन जगताप, ज्युनिअर विभागाचे उपप्राचार्य श्री सोमनाथ माने , माध्यमिक विभागाच्या पर्यवेक्षिका सौ पूजा पाटील , शिक्षक प्रतिनिधी श्री संतोष तोडकर ,श्री थोरात मॅडम व सर्व शिक्षक वृंद व शिक्षकेतर कर्मचारी उपस्थित होते यावेळी वरील सर्वांनी पुरस्कार विजेत्या सर्वांचे अभिनंदन करून पुढील वाटचालीस शुभेच्छा दिल्या