फलटण टुडे (फलटण दि.१८ मे २०२५): –
फलटण एज्युकेशन सोसायटीचे मुधोजी हायस्कूल व ज्युनियर कॉलेज, फलटण येथे इयत्ता अकरावी ऑनलाइन केंद्रीय प्रवेश प्रक्रियेसाठी निःशुल्क ऑनलाइन नावनोंदणी सुविधा केंद्र स्थापन करण्यात आलेले आहे. यंदा प्रथमच शासन निर्णयानुसार ऑनलाइन केंद्रीय पद्धतीने गुणवत्तेनुसार प्रवेश होणार असल्याची माहिती मुधोजी हायस्कूल व ज्युनियर कॉलेजचे प्राचार्य श्री शेडगे यांनी दिली.
कला, विज्ञान व वाणिज्य शाखेत प्रवेश घेणाऱ्या विद्यार्थ्यांनी दि. १९ ते २८ मे या कालावधीत प्रवेशासाठी ऑनलाइन केंद्रीय प्रवेश प्रक्रियेमध्ये रजिस्ट्रेशन करणे अनिवार्य आहे.
फलटण तालुक्यासह ग्रामीण भागातील विद्यार्थ्यांच्या शिक्षणाची सोय व्हावी, विद्यार्थ्यांचा सर्वांगीण विकास व्हावा हे उद्दिष्ट डोळ्यासमोर ठेवून फलटण एज्युकेशन सोसायटीचे मुधोजी हायस्कूल व ज्युनियर कॉलेज हे नेहमीच कटिबद्ध असून, विद्यालयाने गुणात्मक आणि संख्यात्मक दर्जा राखत उज्ज्वल यशाची दीर्घ परंपरा टिकवून ठेवली आहे.
विद्यालयामधे कला, वाणिज्य, व विज्ञान या शाखेतून विद्यार्थ्यांना उत्तम शिक्षणाची सोय उपलब्ध असून, माहिती तंत्रज्ञान, कम्प्युटर सायन्स या विषयांची निवड करण्याची विद्यार्थ्यांना संधी आहे.
विद्यालयामध्ये गुणवत्ता वाढीबरोबर शारीरिक कसरतीसाठी विविध शालेय स्पर्धेत सहभाग प्राप्त करून आपले कौशल्य सिद्ध करून दाखाण्यासाठी विविध खेळांसाठी वैयक्तिक मार्गदर्शन व प्रशिक्षण दिले जाते. प्रशस्त व भव्य असे क्रीडांगण,विविध खेळांचे स्वतंत्र मार्गदर्शन, ज्यामध्ये हॉकी मधे सलग तीन वर्षे राष्ट्रीय स्पर्धेतील मुलींचा विजेता संघ, क्रिकेट, फुटबॉल, व्हॉलिबॉल, खो-खो,बास्केटबॉल , मल्लखांब, लांब उडी उंचउडी यासाठी मुले व मुलीसाठी स्वतंत्र व्यवस्था , मार्गदर्शन व प्रशिक्षण देण्यासाठी प्रशिक्षक . अत्याधुनिक अशी सुसज्ज व्यायामशाळा उभारण्यात आली आहे.
तिन्ही शाखेतील मुलं मुलींसाठी सुसज्ज संगणक शाळा व विज्ञान शाखेसाठी तीन प्रशस्त अत्याधुनिक अश्या प्रयोगशाळा, विद्यार्थ्यांसाठी प्रशस्त ग्रंथालय ,विविध प्रकारच्या सरकारी आर्थिक सवलती व शिष्यवृत्ती,तज्ज्ञ व अनुभवी शिक्षक वर्ग, विविध विषयांवरील चर्चासत्रे व परिसंवादाचे आयोजन, अहिल्याबाई होळकर मोफत पास योजना, अशा अत्याधुनिक सुविधा विद्यालयाने उपलब्ध करून दिलेल्या आहेत . या सुविधांचा विद्यार्थ्यांनी विद्यालयामध्ये प्रवेश घेऊन लाभ घ्यावा असे आवाहन विद्यालयाच्या वतीने करण्यात आलेले आहे .
अधिक माहितीसाठी संपर्क –
कला विभाग – श्री लोंढे पी. व्ही.
मोबाईल क्रमांक- ९९७०६६७५४०
वाणिज्य विभाग- श्री जाधव पी. टी.
मोबाईल क्रमांक- ९०४९३९७१७१
विज्ञान विभाग -श्री ढावरे एम. डी.
मोबाईल क्रमांक-९९६०३०४७९४
प्राचार्य श्री शेडगे सर मोब.- ९६५७८३०४९७,
उपप्राचार्य श्री माने एस एस ९८५०६०६७१८
यांच्याशी संपर्क करण्यात यावे असे आवाहन प्रवेश प्रक्रिया समितीने केले आहे.
