फलटण टुडे वृत्तसेवा (बारामती दि ८ नोव्हेंबर २०२५):-
राज्यात विकासाचा पॅटर्न म्हणून बारामती चा लौकिक आहे पवारांची बारामती म्हणून प्रसिद्ध आहे परंतु काका पुतण्या मध्ये राजकीय दुरावा निर्माण झाल्यावर पहिलीच स्थानिक स्वराज्य संस्था ची निवडणूक आहे.
बारामती नगरपरिषद चा नगराध्यक्ष होणे ही बाब देशात प्रतिष्ठित म्हणून गौरवण्यात येते.
२०२५ च्या नगरपरिषद निवडणूक मध्ये सर्वसाधारण मध्ये गटाला नगराध्यक्ष पद राखीव आहे.
त्यामुळे सर्व साधारण वर्गातून अनेक जण इच्छुक आहेत राष्ट्रवादी शरद पवार गट व राष्ट्रवादी अजित पवार गट नगराध्यक्ष साठी कोण उमेदवार देणार या कडे राज्यातील जनतेचे लक्ष आहे
उपमुख्यमंत्री अजित पवार यांच्या कडे नगरपरिषद सत्ता होती आता सर्व च्या सर्व म्हणजे ४० नगरसेवक व नगराध्यक्ष आपल्या विचाराचे निवडून यावेत या साठी अजित पवार होम पिचवर ४ दिवस तळ ठोकून बसतील व प्रयत्नांची पराकाष्टा करतील.
गेल्या ४० वर्षी पासून अजित पवार यांच्या बरोबर एकनिष्ठ पणे काम करणारे किरण गुजर व बारामती सहकारी बँकेच्या माध्यमातून कार्याचा ठसा उमटवणारे सचिन सातव आणि उत्कृष्ट संघटन कौशल्य असणारे जयसिंग देशमुख, विरोधी पक्षाची कणखर भूमिका निभवणारे सुनील सस्ते व व्यापारी वर्गातून मागणी असणारे माजी नगराध्यक्ष सुभाष सोमाणी,माळेगाव कारखाना चे संचालक आहेत परंतु नगराध्यक्ष पदाचा पूर्वी अनुभव असणारे योगेश जगताप, आणि नितीन बापू बागल यांची प्रमुख नावे जरी पुढे येत असली तरी पाच वर्षे नगरसेवक म्हणून कामे केलेली इतर सर्व साधारण गटातील माजी नगरसेवक सुद्धा नगराध्यक्ष पदा साठी इच्छुक आहेत.
नगराध्यक्ष कसा असावा
पक्षासाठी योगदान, सर्व सामान्य जनतेला उपलब्ध होणारा, समाज्यातील स्टेटस चांगले पाहिजे,गावकी भावकी सांभाळणारा ,प्रशासकीय अनुभव, आर्थिक शिस्त, संघटन कौशल्य, अधिकारी व कामगार यांच्यातील म्हतपूर्ण दुवा म्हणून काम करणारा ,जनता दरबार घेणारा व स्वच्छ चारित्र्य असणारा असावा अशी जनतेची मागणी आहे.
स्वतः अजित पवार मुलाखत घेणार असल्याने उत्सुकता वाढली आहे.
२ डिसेंम्बर २०२५ ला मतदान असल्याने कमी वेळेत जास्त बारामती कर जनतेपर्यंत अजित पवार यांनी बारामती साठी केलेला विकास व भविष्यात करणार असलेले कार्य हे जनतेपर्यंत प्रचार च्या माध्यमातून पोहचविणे दिव्य ठरणार आहे.
जय पवार यांचा श्री गणेशा ? ..
लोकसभा, विधानसभा मध्ये जय पवार यांनी ग्रामीण शहरी जनते पर्यंत पोहचले परंतु नगराध्यक्ष म्हणून श्री गणेशा केल्यास अजित पवार राज्यात गेले की अजित दादांच्या पाठीमागे असलेले बारामती च्या राजकारणातील गट तट संपतील, अजित दादांचा राजकीय वारसा पुढे जाईल त्यामुळे जय पवार हे सुद्धा नगराध्यक्ष पदाचे प्रबळ दावेदार समजले जातात
चौकट:
वादग्रस्त पदाधिकारी पक्षास हानिकारक
हनी ट्रॅप प्रकरण ,नगरपरिषद मध्ये गैर कृत्य करणे , जमीन हडपणे महिलांना ब्लॅकमेल करणे, महिलांना एस एम एस करणे,अशलील चॅटिंग करणे,
,स्थानिकांना मारण्यासाठी बाहेरील गुंडा चा वापर करणे ,नगर परिषद मध्ये ठेकेदारी करणे, ब्लॅक लिस्ट मध्ये टाकू नका म्हणून अधिकारी वर्गास अजित पवार यांची भीती दाखवणे आणि अजित दादा बारामती दौऱ्यावर आल्यावर पुढे पुढे करून विकास कामात मदत करत असल्याचा व्हिडीओ, फोटो काढून बारामती च्या बाहेर राज्यात अजित दादाशी जवळीक आहे असे भासवून नोकरी लावतो,बदली करतो,ठेका मिळवून देतो असे प्रकार करणाऱ्या व पक्षाशी एकनिष्ठ आहे असे दिखाऊपणा करणारे पदाधिकारी यांना नगरसेवक किंवा नगराध्यक्ष करू नये अशी मागणी सामान्य बारामती कर व अन्याय ग्रस्त नागरिक व खास महिलांची मागणी आहे.
