बारामती: सावित्रीबाई फुले पुणे विद्यापीठ अंतर्गत वसंतराव पवार विधी महाविद्यालयातर्फे दिनांक 9 मार्च रोजी साजरा करण्यात आला.या कार्यक्रमात जनजागृती आणि विद्यार्थ्यांचे प्रबोधन करण्यात आले. प्रबोधनात्मक उपक्रमात राष्ट्रीय सेवा योजनेचे विद्यार्थी आणि शिक्षक सहभागी झाले होते.जागतिक महिला दिनानिमित्त विद्या प्रतिष्ठान वसंतराव पवार विधी महाविद्यालयातर्फे जिल्हा परिषद प्राथमिक शाळा रुई तालुका बारामती येथे ‘मासिक पाळी प्रबोधन’ हा कार्यक्रम आयोजित करण्यात आला होता. या कार्यक्रमासाठी प्रमुख पाहुणे म्हणून माजी जिल्हा परिषद सदस्य सौ लता भोसले व जिल्हा परिषदेचे मुख्याध्यापक महेश शिंदे उपस्थित होते.
सदर कार्यक्रमांमध्ये कु ऐश्वर्या धनंजय जामदार, ऐश्वर्या भोसले,मोनिका बाराते व सकिना लोखंडवाला या विद्यार्थ्यांनी कार्यक्रम अधिकारी प्रा विकास बनसोडे प्रा उर्वशीला पवार प्रा गुळवे व प्रा निंबाळकर यांच्या सहकार्याने विद्यार्थिनींना मार्गदर्शन केले तसेच माहितीपटात द्वारे प्रबोधन केले.हा कार्यक्रम यशस्वी होण्यासाठी महाविद्यालयाचे प्राचार्य डॉ एम एन फडके, डाॅ ए आर शहाणे, शिक्षकेतर कर्मचारी व विद्यार्थ्यानी सहकार्य केले.