फलटण टुडे वृत्तसेवा (म्हसवड दि. ०८ ) :-
फलटण एज्युकेशन सोसायटीचे श्रीमंत भैय्यासाहेब राजेमाने महाविद्यालय म्हसवड येथे इतिहास विभाग व श्रीमंत मालोजीराजे अभ्यास मंडळ यांच्या संयुक्त विद्यमाने श्रीमंत मालोजीराजे नाईक निंबाळकर यांच्या जयंतीनिमित्त “श्रीमंत मालोजीराजे नाईक निंबाळकर- जीवन व कार्य” या विषयावर व्याख्यान आयोजित करण्यात आले. या व्याख्यानासाठी प्रमुख वक्ते म्हणून श्रीमंत भैय्यासाहेब राजेमाने महाविद्यालय म्हसवड येथील शारीरिक शिक्षण संचालक विभागातील सहाय्यक प्रा. तायप्पा शेंडगे उपस्थित होते. या कार्यक्रमाचे अध्यक्षस्थान महाविद्यालयाचे प्र. प्राचार्य डॉ. संजय दीक्षित यांनी भूषविले. यावेळी प्रमुख पाहुण्यांच्या शुभहस्ते दीप प्रज्वलन व श्रीमंत मालोजीराजे नाईक निंबाळकर यांच्या प्रतिमेचे पूजन करण्यात आले. यानंतर इतिहास विभाग प्रमुख प्रा. व्ही. पी. मोरे यांनी या कार्यक्रमाचे प्रास्ताविक करून प्रमुख पाहुण्यांचा परिचय करून दिला. त्यानंतर प्रमुख पाहुणे प्रा. तायप्पा शेंडगे यांनी श्रीमंत मालोजीराजे यांच्या सामाजिक, आर्थिक, राजकीय, शैक्षणिक व कृषी विषयक कार्याचा सखोल आढावा घेतला. तसेच अध्यक्षीय भाषणात प्र. प्राचार्य डॉ. संजय दीक्षित यांनी श्रीमंत मालोजीराजे नाईक निंबाळकर यांनी केलेल्या कार्याचे चिंतन करून आजच्या पिढीने त्यांच्या कार्यातून कोणता वसा घेतला पाहिजे याविषयी विद्यार्थ्यांना मार्गदर्शन केले.या कार्यक्रमाला प्रमुख उपस्थिती म्हणून आय.क्यू.एस.सी चे प्रमुख प्रा. रणवरे सर तसेच मराठी विभाग प्रमुख डॉ. सोनवणे एम. पी. उपस्थित होते याच बरोबर महाविद्यालयातील सर्व प्राध्यापक, प्रशासकीय कर्मचारी व विद्यार्थी उपस्थित होते.या कार्यक्रमाचे सूत्रसंचालन इतिहास विभागाच्या प्रा. डॉ. सौ. देशमुख एस. व्ही. यांनी केले. तर उपस्थित मान्यवरांचे आभार इतिहास विभागाचे प्रा. क्षिरसागर व्ही. डी. यांनी मानले.