१९ वर्षाखालील मुलांच्या जिल्हास्तरीय विजेत्या क्रिकेट संघाच्या अभिनंदन प्रसंगी श्रीमंत संजीवराजे नाईक निंबाळकर ,शिवाजीराव घोरपडे ,सुधीर अहिवळे व इतर मान्यवर
फलटण टुडे न्यूज़ नेटवर्क (फलटण दि. 0६):-
सातारा येथील छत्रपती शाहू स्टेडियम येथे झालेल्या शालेय जिल्हास्तरीय क्रिकेट स्पर्धेमध्ये मुधोजी हायस्कूल व ज्युनिअर कॉलेजच्या मुलांच्या संघाने १९ वर्षाखालील वयोगटांमध्ये विजेतेपद पटकाऊन नेत्र दीपक खेळाचे प्रदर्शन करत उलेखनीय कामगिरी केली .
जिल्हास्तरीय शालेय क्रिकेट स्पर्धेमध्ये मुधोजी (फलटण)चा पहिला सामना पाटण विरुद्ध झाला या सामन्यात मुधोजी ने प्रथम फलंदाजी करताना ६ षटकात २ गड्यांच्या मोबदल्यात ८९ धावा केल्या या सामन्यात सोहम सूळ याने १५ चेंडूत ३३ ध्व केल्या त्याल यशराज मदनेने साथ देत १५ चेंडूत २५ धावा केल्या तर प्रथमेश कदम याने १ का षटकात ४ धावा देत ३ गडी बाद करत हॅट्रिक घेतली व हा सामना ४७ धावांनी एकतर्फी जिंकला
स्पर्धेचा दुसरा सामना मुधोजी (फलटण )विरुद्ध वाई संघाबरोबर झाला हा सामना देखील एकतर्फी जिंकला या सामन्यात प्रथम फलंदाजी करताना ६ षटकात ८२ धावा केल्या या सामन्यात सोहम सूळ याने १८ चेंडूत नाबाद ४४ धावा केल्या तर त्याला प्रथमेश कदम याने साथ देत १७ चेंडूत २५ धावा केल्या या सामन्यात यशराज मादने याने २ षटकात १५ धावा देत तीन गडी बाद केले व मुधोजीने हा सामना ४० धावांनी जिंकला
सेमी फायनल च्या सामन्यात मुधोजी (फलटण) विरुद्ध खटाव यांच्यात लढत झाली या सामन्यात प्रथम फलंदाजी करताना ६ षटकात ९८ धावा केल्या यामध्ये प्रथमेश कदम १५ चेंडूत २७ धावा यशराज मदने १० चेंडूत २१ धावा सोहम सूळ ९ चेंडूत २३ धावा तर सृजन बिचुकले ने ५ चेंडूत १९ धावा केल्या तर यशराज मदने ने २ षटकात १० धावा देत ४ विकेट्स, प्रथमेश कदम १ षटकात ४ धावा देत २ गडी बाद केले तर सोहम सुळ याने १ षटकात १६ धावा देत २ गडी बाद केले व हा सामना ५३ धावांनी जिंकला व अंतिम सामन्यात प्रवेश मिळविला
अंतिम सामना मुधोजी (फलटण ) विरुद्ध धनंजयराव गाडगीळ (सातारा )यांच्यामध्ये झाला प्रथम फलंदाजी करताना ६ षटकात ६६ धावा केल्या यामध्ये सृजन बिचुकले १२ चेंडूत २१ धावा, प्रथमेश कदम १६ चेंडूत २५ धावा तर यशराज मदने याने ८ चेंडूत १२ धावा केल्या या सामन्यात यशराज मदने याने २ षटकात ९ धावा देत २ गडी बाद केले तर प्रथमेश कदम याने १ षटकात ११ धावा देत १ गडी बाद केला व हा सामना १० धावांनी जिंकून विभागीयस्तरीय स्पर्धेसाठी पात्र ठरला.
या सर्व यशस्वी खेळाडूंना मार्गदर्शक प्रशिक्षक म्हणून प्रीतम लोंढे, अशोक गाडगीळ , मिलिंद सहस्रबुद्धे, सोमनाथ चौधरी ,अमोल नाळे ,सचिन धुमाळ ,टिल्लू चौधरी,अविनाश कांबळे यांचे मार्गदर्शन लाभले.
विजेता संघातील यशस्वी खेळाडू व त्याना मार्गदर्शन करणारे क्रीडा प्रशिक्षक यांचे महराष्ट्र राज्य विधान परिषदेचे माजी सभापती तथा विद्यमान विधान परिषद आमदार मा श्रीमंत रामराजे नाईक निंबाळकर ,माजी आमदार दिपक चव्हाण, फलटण कृषी उत्पन्न बाजार समितीचे माजी सभापती मा श्रीमंत रघुनाथराजे नाईक निंबाळकर महाराष्ट्र खो -खो असोसिएशनचे अध्यक्ष मा श्रीमंत संजीवराजे नाईक निंबाळकर, क्रीडा समितेचे अध्यक्ष शिवाजीराव घोरपडे , क्रीडा समितीचे सदस्य महादेवराव माने ,संजय फडतरे,प्रशासन अधिकारी अरविंद निकम , प्राचार्य सुधीर अहिवाळे , उपप्राचार्य माध्यमिक नितीन जगताप ,उपप्राचार्य ज्युनियर कॉलेज सोमनाथ माने पर्यवक्षिका पूजा पाटील ,फलटण एज्युकेशन सोसायटी च्या नियामक मंडळाचे सदस्य व विविध मान्यवर यांनी अभिनंदन केले व पुढील स्पर्धेसाठी शुभेच्छा दिल्या .