फलटण टुडे वृत्तसेवा ( फलटण दि १३ ऑगस्ट २०२६):-
ऐतिहासीक फलटण नगरीच्या पावन भूमीत, परंपरेला साजेसा आणि मानवतेचा कळस गाठणारा एक अद्वितीय ‘रक्तदान महायज्ञ’ संपन्न होत आहे! भारतीय स्वतंत्र दिन व जैन सोशल ग्रुप इंटरनॅशनल फेडरेशनच्या ‘फेडरेशन डे’च्या शुभमुहूर्तावर, आंतरराष्ट्रीय अध्यक्ष श्री. बिरेनभाई शहा यांच्या प्रेरणेने देशभरात तब्बल ५०,००० रक्तबाटल्या संकलित करण्याचा संकल्प सोडण्यात आला आहे.
याच पवित्र संकल्पातून, रविवार, दि. १६ ऑगस्ट रोजी आपल्या फलटण नगरीत एका भव्य आणि भव्यदिव्य रक्तदान शिबिराचे आयोजन करण्यात आले आहे.
रक्तदान हेच सर्वोत्कृष्ट दान आहे! जेव्हा आपण रक्त देतो, तेव्हा आपण केवळ रक्त देत नाही, तर एखाद्या हसत्या-खेळत्या कुटुंबाला ‘जीवनाचे वरदान’ देतो. आपल्या या एका दातृत्वाने कोणाचा तरी मुलगा, कोणाची तरी आई किंवा कोणाचा तरी संसार वाचू शकतो. याहून मोठे पुण्य आणि राष्ट्रसेवा दुसरी कोणती असू शकते?
शिबिराचे भव्य स्वरूप आणि तपशील:
- दिनांक: रविवार, १६ ऑगस्ट
- वेळ: सकाळी ९:०० ते दुपारी ४:०० वाजेपर्यंत
- प्रमुख ठिकाणे:
१. श्री दत्त मंदिर (फलटण बस स्थानक परिसर)
२. श्री संत नामदेव विठ्ठल मंदिर (रविवार पेठ, फलटण)
३. फलटण ब्लड बँक - रक्तपेढी सहकार्य: फलटण ब्लड बँक
या महान कार्यात जैन सोशल ग्रुप,फलटण, लायन्स क्लब फलटण वेलनेस वॉरियर्स,संगिनी फोरम फलटण,फलटण एस.टी. आगार आणि श्री संत नामदेव विठ्ठल मंदिर संस्था,फलटण यांनी एकत्र येऊन सहकार्याचा हात पुढे केला आहे.
आमचे नम्र आवाहन:
फलटणच्या दानशूर आणि कर्तव्यदक्ष नागरिकांनी, तरुणांनी आणि माता-भगिनींनी या महायज्ञात आपला खारीचा वाटा उचलून मोठ्या संख्येने उपस्थित राहावे. चला, पुढे व्हा आणि ‘रक्तदाते’ बनून कोणाच्या तरी आयुष्यातील अंधार दूर करा!
आपले एक पाऊल… कोणाचे तरी वाचवेल प्राण!
