फलटण टुडे वृत्तसेवा (फलटण )-
गुढीपाडवा व नवीन वर्षाच्या पार्श्वभूमीवर फलटण बस स्थानकावर स्वच्छता मोहीम राबवण्यात आली. या मोहिमेत सर्व अधिकारी , चालक वाहक कर्मचारी, कार्यशाळा कर्मचारी यांनी श्रमदानातून स्वच्छता मोहीम राबवली.
याप्रसंगी आगार व्यवस्थापक रोहित नाईक, स्थानक प्रमुख राहुल वाघमोडे, वाहतूक निरीक्षक सुहास कोरडे, सहाय्यक वाहतूक निरीक्षक धीरज आहिवळे, वाहतूक नियंत्रक काका नाळे व कर्मचारी बंधू-भगिनी उपस्थित होते. स्वच्छता मोहीम प्रसंगी आगार व्यवस्थापक रोहित नाईक यांनी सर्व कर्मचारी बंधू भगिनी व प्रवासी बंधू-भगिनी यांना गुढीपाडवा व नवीन वर्षाच्या शुभेच्छा दिल्या व सर्व प्रवाशांनी आपले बस स्थानक स्वच्छ ठेवण्यास सहकार्य करावे असे आवाहन केले.
