डोर्लेवाडी मध्ये महिलाच्या वतीने दहीहंडी महोत्सव संपन्न
आमदार निलेश लंके यांचा सन्मान करताना रोहिणी खरसे आटोळे व इतर
फलटण टुडे (बारामती ) :
दहीहंडी म्हणजे सांघिक शक्ती,सुयोग्य संघटन व एकीचे दर्शन असल्याने दहीहंडी भारतीय संस्कृती ची महान व खरी ओळख असल्याचे पारनेर चे आमदार निलेश लंके यांनी प्रतिपादन केले .
सहेली फाउंडेशन व राष्ट्रवादी युवती काँगेसच्या बारामती तालुका उपाध्यक्षा रोहिणी आटोळे खरसे व डोर्लेवाडी मधील महिलांच्या वतीने पार्थ दादा पवार दहीहंडी महोत्सवाचे आयोजन करण्यात आले होते.
पारनेरचे आमदार निलेश लंके यांच्या हस्ते दहीहंडी महोत्सवाचे उद्घाटन करण्यात आले या वेळी ते बोलत होते
या प्रसंगी सिने अभिनेत्री जान्हवी किल्लेकर, राष्ट्रवादी कॉंग्रेसचे तालुकाध्यक्ष संभाजी होळकर,बारामती दुध संघाचे अध्यक्ष पोपटराव गावडे माजी सरपंच पांडुरंग सलवदे,जयहिंद सेनेचे अध्यक्ष संग्रामसिंह देवकाते,हरिभाऊ आटोळे, अॅड पंढरीनाथ नाळे,अविनाश काळकुटे,रामभाऊ कालगावकर,अॅड अतुल भोपळे,अमोल शिंदे,राहुल शिंदे,सुभाष नाळे,गजानन नाळे आदींसह ग्रामस्थ मोठ्या संख्येने उपस्थित होते.
रस्त्यावरील दहीहंडी मैदानात आणून त्यास खेळाचे स्वरूप प्राप्त करून ग्रामीण भागातील गोविदाना व्यासपीठ उपलब्ध करून देण्यासाठी व महिला , मुलीच्या सहभागाने दहीहंडी चे आयोजन केल्याचे अयोजिका रोहिणी खरसे आटोळे यांनी सांगितले.
यावेळी अभिनेत्री जान्हवी किल्लेकर यांनी महिलांशी संवाद साधून महिला व मुली सोबत नृत्य केले.
गुणवडीच्या जय भवानी दहीहंडी संघाने पाच थर लावून दहीहंडी फोडली.विजेत्यांना मान्यवरांच्या हस्ते स्मृतिचिन्ह देण्यात आले.
अनिल सावळेपाटील यांनी
सूत्रसंचालन केले.अजित दळवी यांनी आभार मानले.
———————–