सातारा दि. 2 (जिमाका): जावली तालुक्यातील मौजे कावडी, रांजणी व मुनावळे ग्रामपंचायत अंतर्गत (कळकोशी) क्षेत्रात कोरोना बाधित रुग्ण आढळून आल्याने. या क्षेत्रात पुढील आदेशाप्रमाणे उपविभागीय दंडाधिकारी तथा इन्सिडंट कमांडर, सातारा उपविभाग, सातारा मिनाज मुल्ला यांनी सुक्ष्म प्रतिबंधित क्षेत्र घोषित केले आहेत.
जावली तालुक्यातील तीन गावांच्या क्षेत्राची सीमारेषा पुढीलप्रमाणे राहील.
मौजे कावडी- आत येण्याचा मार्ग- मौजे कावडी गाव कमान. बाहेर जाण्याचा मार्ग- श्री. संतोष गेणदेव मानकुमरे यांच्या घरापर्यंत. सीमा रेषा- पूर्वेला हातगेघर शिव, पश्चिमेला विवर शिव वस्ती, उत्तरेला पानस शिव, दक्षिणेस सायघर डोंगर, मुख्य स्थळ मौजे कावडी.
मौजे रांजणी- आत येण्याचा मार्ग- खोबली खुटवड, जाण्याचा मार्ग- जननी माता रोड, सीमारेषा- पुर्वेला भैरवनाथ मंदिर, पश्चिमेला मेलाचा डोंगर वस्ती, उत्तरेला राघववाडी, दक्षिणेस रांजणी गावठाण, मुख्य स्थळ मौजे रांजणी.
मौजे मुनावळे ग्रामपंचायत अंतर्गत (कळकोशी वस्ती) आत येण्याचा मार्ग-कळकोशी कमान, बाहेर जाण्याचा मार्ग कळकोशी कमान, सीमा रेषा-पूर्वेला मुनावळे, पश्चिमेला कोयना धरण, उत्तरेला कोयना धरण, दक्षिणेस अंबवडे, मुख्य स्थळ कळकोशी वस्ती.
त्यानुसार बाधित क्षेत्रातील आपत्कालीन व जीवनावश्यक वस्तूंच्या सेवा व पुरवठा सुरळीत राहण्याकरीता अन्य व्यक्तींना संबंधित प्रतिबंधित क्षेत्रामध्ये प्रवेश करण्यास व परिसरातून बाहेर पडण्यास बंदी करण्यात येत आहे. प्रतिबंधित क्षेत्र जाहीर केलेल्या क्षेत्रामध्ये अत्यावश्यक सेवा व वस्तू पुरवठा करण्याकरीताची वेळ ही जिल्हा दंडाधिकारी यांनी यापूर्वीच दिलेल्या आदेशाप्रमाणे राहील. या परिसरात जीवनावश्यक वस्तुंचा, अत्यावश्यक सेवा पुरविणारे कार्यालय व व्यक्तींना, व त्यांच्या वाहनांना यामधून वगळण्यात येत आहे. जीवनावश्यक वस्तु व सेवा (दुध व दुग्धोत्पादन, किराणा माल, फळे व भाजीपाला इ.) यांच्या वाहतूकीसाठी कोणतेही निर्बंध नसून त्यासाठी वाहतूक पास उपविभागीय पोलीस अधिकारी, वाई यांच्याकडे उपलब्ध होतील. प्रतिबंधित क्षेत्रामध्ये दुध, भाजीपला, औषधे, किराणामाल इ. वस्तू घरपोच करण्यात याव्यात. तसेच प्रतिबंधित क्षेत्रामधील सर्व नागरिकांनी आरोग्य सेतू ॲप डाऊनलोड करुन घ्यावा.
या आदेशान्वये कायदा व सुव्यवस्था राखण्यासाठी नियुक्त अधिकारी, कर्मचारी, कोरोना विषाणू प्रतिबंधात्मक उपाययोजनांचे काम करणारे तसेच ग्रामपंचायतीचे अत्यावश्यक सेवेसाठी कार्यरत असलेले सर्व कर्मचारी व त्यांची वाहने तसेच शासकीय व अन्य अत्यावश्यक सेवा देण्यात येणाऱ्या वाहनांना या आदेशानुसार वगळण्यात येत आहे.