फलटण टुडे वृत्तसेवा ( सातारा दि २१ सप्टेंबर २०२६): –
शालेय शिक्षण व क्रीडा विभाग, क्रीडा व युवक सेवा संचालनालय, महाराष्ट्र राज्य, पुणे आणि जिल्हा क्रीडा परिषद व जिल्हा क्रीडा अधिकारी कार्यालय, सातारा यांच्या संयुक्त विद्यमाने आयोजित जिल्हास्तरीय शालेय ज्युदो स्पर्धा (१४, १७ व १९ वर्षांखालील मुले/मुली) नुकतीच छत्रपती शाहू महाराज क्रीडा संकुल, सातारा येथे पार पडली. या स्पर्धेत मुधोजी हायस्कूल व ज्युनिअर कॉलेजच्या खेळाडूंनी उत्कृष्ट क्रीडाकौशल्य दाखवत सुवर्ण व रौप्य पदकांची कमाई केली.
यशस्वी खेळाडूंची कामगिरी (१७ वर्षांखालील गट):
- राजवीर रमाकांत (बिट्टू) भोसले: ५० किलो वजनी गट (मुले) – प्रथम क्रमांक (सुवर्ण पदक)
- समर्थ नितीन मदने: ८१ किलो वजनी गट (मुले) – द्वितीय क्रमांक (रौप्य पदक)
- कु. जोया पठाण: ५७ किलो वजनी गट (मुली) – द्वितीय क्रमांक (रौप्य पदक)
या तिन्ही खेळाडूंनी प्रतिस्पर्ध्यांवर मात करत विभागीय (विभागीय) ज्युदो स्पर्धेसाठी आपले स्थान निश्चित केले आहे. या सर्व खेळाडूंना मुधोजी हायस्कूलचे क्रीडा प्रशिक्षक तुषार मोहिते यांचे मार्गदर्शन लाभले.
विद्यार्थ्यांच्या या यशाबद्दल महाराष्ट्र विधान परिषदेचे आमदार श्रीमंत रामराजे नाईक निंबाळकर, माजी आमदार दीपक चव्हाण, फलटण एज्युकेशन सोसायटीचे चेअरमन श्रीमंत रघुनाथराजे नाईक निंबाळकर, सेक्रेटरी श्रीमंत संजीवराजे नाईक निंबाळकर, क्रीडा समितीचे अध्यक्ष शिवाजीराव घोरपडे, प्रशासन अधिकारी अरविंद निकम, प्राचार्य वसंत शेडगे, उपप्राचार्य आण्णासाहेब ननावरे आणि सोमनाथ माने, पर्यवेक्षक आर बी निंबाळकर, विजय पाटील, सौ पूजा पाटील यांच्यासह सर्व शिक्षकवृंद व पदाधिकाऱ्यांनी विजेत्या मल्लांचे व मार्गदर्शकांचे अभिनंदन करून पुढील विभागीय स्पर्धेसाठी शुभेच्छा दिल्या.
